Supercomputer ទស្សន៍ទាយថាអេស្ប៉ាញលើកពាន EURO ២០២៤
យោងតាមការវិភាគដោយប្រើប្រាស់បច្ចេកវិទ្យាSupercomputerរបស់ក្រុមហ៊ុន Bettingexpert ដែលបានក្លែងធ្វើការប្រកួតវគ្គផ្តាច់ព្រ័ត្ររវាងប្រទេសអង់គ្លេស និងអេស្ប៉ាញចំនួន១០ម៉ឺនដង បានបង្ហាញថា ក្រុមជម្រើសជាតិអេស្ប៉ាញនឹងឈ្នះអង់គ្លេសលើកពានយូរ៉ូ២០២៤នៅក្នុងទឹកដីអាល្លឺម៉ង់នារាត្រីថ្ងៃអាទិត្យទី១៤កក្កដា ២០២៤។
Supercomputer បានរកឃើញថា ក្រុមគោជល់អេស្ប៉ាញ មានឱកាសឈ្នះអង់គ្លេស៥៤,៧ភាគរយក្នុងរយៈពេល ៩០នាទី។ ទោះជាយ៉ាងណាក៏ដោយ អង់គ្លេសនៅមានឱកាស៤៥,៣ភាគរយក្នុងការឈ្នះពានយូរ៉ូជាលើកដំបូងរបស់ពួកគេ។ Supercomputer បានបន្ថែមថា ការប្រកួតក្នុងរយៈពេល ៩០នាទី ក្រុមអេស្ប៉ាញត្រូវបានផ្តល់ឱកាស ៣៥,៤៤ភាគរយធៀបនឹង ៣២,៩៤ ភាគរយរបស់អង់គ្លេស។ នេះមានន័យថា Supercomputer គិតថាមានឱកាស៣១,៦២ភាគរយ អាចនឹងឈានដល់ការបន្ថែមម៉ោង។
យោងតាមប្រវត្តិជួបគ្នា២៧ដងទាំងការប្រកួតមិត្តភាពអន្តរជាតិ EURO បាល់ទាត់ពិភពលោក និង Nations League Cup អង់គ្លេស១៤ ស្មើ៣និងចាញ់១០។ ជាការកត់សម្គាល់ជួបគ្នានៅយូរ៉ូ៤ដងអង់គ្លេសឈ្នះ ១-០ និង ២-១(ជួបគ្នា២ដង) ក្នុងឆ្នាំ១៩៦៨ ឈ្នះ ២-១ (១៩៨០) ឈ្នះ ៤-២ (១៩៩៦)។ អេស្ប៉ាញបានឈ្នះ EURO បីដងក្នុងប្រវត្តិសាស្ត្ររបស់ខ្លួន។ពានរង្វាន់ជើងឯកលើកដំបូងនៅឆ្នាំ១៩៦៤ ឆ្នាំ២០០៨ និង២០១២ខណៈអង់គ្លេសមិនធ្លាប់ឈ្នះទាល់តែសោះតែធ្លាប់រងជើងឯកម្តងឆ្នាំ ២០២០៕
