Real Madrid ក្លាយជាក្លិបដំបូងគេ រកបានចំណូលជាង១ពាន់លានដុល្លារ
គណនីប្រព័ន្ធផ្សព្វផ្សាយសង្គមរបស់ក្លិបដែលមានហស្សនាមថាស្តេច ស Real Madrid បានប្រកាសថា ខ្លួនបានក្លាយជាក្លិបដំបូងគេនៅលើពិភពលោកដែលរកចំណូលបានលើសពីជាង១ពាន់លានដុល្លារ។ នេះបើយោងតាមការចេញផ្សាយរបស់ Tribuna កាលពីថ្ងៃពុធទី២៤ ខែកក្កដា ២០២៤។ ប្រាក់ចំណូលរបស់ក្លិបសម្រាប់រដូវកាល ២០២៣-២៤ គឺមានចំនួនជាង១,១ពាន់លានដុល្លារកើនឡើងបើធៀបទៅនឹងរដូវកាល២០២២-២៣។
ប្រភពដដែលនោះបានអោយដឹងទៀតថាប្រាក់ចំណេញរបស់ Real Madrid ក្នុងឆ្នាំ ២០២៣-២៤ គឺ ជាង១៧លានដុល្លារ។ ព័ត៌មាននេះពិតជាគួរឲ្យចាប់អារម្មណ៍ និងប្រាប់អោយយើងដឹងច្រើនអំពីរបៀបដែលជោគជ័យក្នុងរជ្ជកាលដឹកនាំបច្ចុប្បន្នរបស់ Florentino Perez ទាំងផ្នែកហិរញ្ញវត្ថុ និងកម្រិតកីឡា។ បន្ថែមពីនេះទៀត ជាការពិតណាស់ វានឹងមិនអាចទៅរួចទេ បើគ្មានការទទួលបានជោគជ័យថ្មីៗរបស់ Carlo Ancelotti។ ក្រុមការដឹកនាំរបស់លោក ក្លឹបReal Madrid បានឈ្នះពានអេស្ប៉ាញLa Liga ពានអេស្ប៉ាញស៊ុបពើលីគ និងឆេមពានលីគក្នុងរដូវកាលនេះ៕
