Mbappe ទទួលការដូរថយន្តថ្មីទំនើបដូចប្រធានក្លឹប
Kylian Mbappe ទទួលបានកាដូរថយន្ត BMW i7 M70 xDrive ថ្មីសន្លាងមួយគ្រឿងពីក្លឹប Real Madrid ហើយរថយន្តនេះដូចគ្នាទៅនឹងរថយន្តរបស់ប្រធានក្លឹបលោក Florentino Perez។ នេះបើយោងតាមសារព័ត៌មានអេស្ប៉ាញ Marca ។ ថ្វីដ្បិតតែវាមិនមែនជាម៉ូដែល BMW ដែលមានតម្លៃថ្លៃបំផុត ឬជាម៉ូដែលដ៏មានឥទ្ធិពលបំផុតក៏ដោយ វាត្រូវបានចាត់ទុកថាជារថយន្តដ៏មានកិត្យានុភាព និងប្រណីតបំផុតមួយផងដែរ។រថយន្តនេះមានតម្លៃ ប្រហែលជាង ១៦ម៉ឺនដុល្លារប៉ុណ្ណោះ។
BMW i7 M70 xDrive អាចបង្កើនល្បឿនដល់ទៅ២៥០ គីឡូម៉ែត្រក្នុងមួយម៉ោង និងអាចឡើងពី 0 ទៅ១០០គីឡូម៉ែត្រក្នុងមួយម៉ោងត្រឹមតែ៣,៧ វិនាទីប៉ុណ្ណោះ។ ក្រៅពីភាពងាយស្រួលទូទៅនៃការបើកបររថយន្ត BMW នេះក៏មានបំពាក់នូវទ្វារបិទដោយស្វ័យប្រវត្តិ អេក្រង់សម្រាប់គ្រប់គ្រងអាកាសធាតុ ក៏ដូចជាការកៅអីម៉ាស្សា និងខ្យល់ចេញចូលផងដែរ៕
