ហេតុអ្វីបានជា Mbappe ទិញក្លឹបបាល់ទាត់ដែលគាត់មិនធ្លាប់លេងពីមុន?
Kylian Mbappe បានក្លាយជាម្ចាស់ភាគហ៊ុនដ៏ច្រើនរបស់ក្លឹបបាល់ទាត់បារាំង Caen ដែលបច្ចុប្បន្នលេងនៅ Ligue 2។ តាមពិតទៅកីឡាករវ័យ២៥ ឆ្នាំរូបនេះមិនធ្លាប់លេងឬជាផ្នែកណាមួយរបស់ក្លឹប Caen ក្នុងអាជីពរបស់គាត់ពីមុនមកនោះទេ។
ពាក់ព័ន្ធនឹងតម្លៃគេមិនបានបង្ហើបអោយដឹងច្បាស់ទេ ប៉ុន្តែកាសែតបារាំង Le Parisien បានរាយការណ៍ថា Mbappe នឹងចំណាយតិចជាង២២លានដុល្លារដើម្បីទិញភាគហ៊ុនភាគច្រើនរបស់ក្លឹបCaen ។ ខណៈលោក Pierre-Antin Capton នឹងកាន់កាប់ភាគហ៊ុនដែលនៅសល់ដែលមានតម្លៃជាង៥លានដុល្លារ។ ចុះហេតុអ្វីបានជាគាត់ទិញ? តើ Kylian នឹងសងបំណុល ហើយប្រែក្លាយ Caen ទៅជាក្លឹបបារាំងដ៏ល្អបំផុតមួយឬ?។ ជុំវិញនឹងបញ្ហានេះ អ្នកខ្លះបានលើកឡើងថានេះជាកាយវិការដ៏សប្បុរសរបស់គាត់ដែលមានពេលមួយនោះគាត់ស្ទើរតែបានចូលរួមជាមួយក្លឹបនេះទៅហើយ។
ជាការពិតណាស់កាលពីឆ្នាំ២០១២ Kylian មានកិច្ចព្រមព្រៀងផ្ទាល់មាត់(គ្មានលាយល័ក្ខអក្សរ)ដើម្បីចុះហត្ថលេខាលេងឱ្យ Caen ប៉ុន្តែក្លឹបនេះត្រូវបានគេកាត់ចោលទៅលីគក្រោម ហើយមិនអាចមានលទ្ធភាពទិញ Kylian បានទៀតទេ។ នេះគឺជាការវាយប្រហារដ៏ធំមួយសម្រាប់ភាគីទាំងពីរ ខណៈដែលពួកគេទាក់ទងគ្នាអស់រយៈពេល ៣ ឆ្នាំ។ ជាលទ្ធផល Mbappe បានចូលរួមជាមួយ Monaco ជំនួសវិញ ដែលនៅទីនោះគាត់បានប្រែក្លាយអាជីពបាល់ទាត់របស់គាត់ទុកដ៏ល្អបំផុតក្លាយជាកីឡាករឆ្នើមរបស់ពិភពលោក?
