តើក្លឹប EPL ណាមួយរកចំណូលបានច្រើនជាងគេពីការផ្ទេរកីឡាករ ?

យោងតាមទិន្នន័យពី Transfermarkt ចេញផ្សាយកាលពីថ្ងៃពុធទី៣១ កក្កដា ២០២៤ បានអោយដឹងថា Chelsea គឺជាក្លឹបដែលរកបានចំណូលពីការផ្ទេរកីឡាករបានច្រើនជាងគេបំផុតគឺរហូតទៅដល់ជាង១,៦ ពាន់លានដុល្លារ។ ប្រភពខាងលើដដែលក៏បានអោយដឹងទៀតថា ការលក់ដ៏ធំបំផុតរបស់ Chelsea គឺការផ្ទេរ Eden Hazard ទៅ Real Madrid នៅរដូវក្តៅឆ្នាំ២០១៩ ក្នុងតម្លៃ ជាង២០៥លានដុល្លារ។

ចំណែកឯក្លឹបជើងឯកPremier League ឈរលំដាប់លេខ២រកបានចំណូលជាង១,៤ពាន់លានដុល្លារ។ ក្លឹប Manchester City បានលក់កីឡាករល្បីៗមួយចំនួនក្នុងរដូវកាលថ្មីៗនេះ រួមទាំងការផ្ទេរកីឡាករ Ferran Torres ទៅ Barcelona និង Cole Palmer ទៅ Chelsea ដែលកីឡាករទាំងពីរត្រូវបានគេរាយការណ៍ថាមានតម្លៃលើសពី១០០លានដុល្លារក្នុងម្នាក់ៗ។ ដោយឡែកហង្សក្រហមLiverpool ឈរលំដាប់លេខ៣ រកបានជិត៩០០ លានដុល្លារ ។ក្លឹបEverton  រកបាន ៨៣៤លានដុល្លារ ក្លឹបLeicester រកបាន ៧៧១លានដុល្លារ និងក្លឹបចុងក្រោយគេគឺBurnley រកបាន២៩១លានដុល្លារ៕