Riccardo ជាប់ជាកីឡាករមានមន្តស្នេហ៍បំផុតនៅ PL

Aug 6, 2024 - 15:12

Arsenal មិនត្រឹមតែធានាបាននូវខ្សែការពារវ័យក្មេង Riccardo Calafiori ដែលមានទេពកោសល្យ ប៉ុណ្ណោះទេ ថែមទាំងជាកីឡាករដ៏មានមន្តស្នេហ៍បំផុតម្នាក់ក្នុងក្របខ័ណ្ឌកំពូលPremier League ផងដែរ។ នេះបើយោងតាមការស្ទង់មតិរបស់អ្នកគាំទ្របាល់ទាត់ដែលចងក្រងដោយគេហទំព័រ Liget.ngចេញផ្សាយកាលពីថ្ងៃអង្គារទី៦ខែសីហា ២០២៤។ Riccardo Calafiori គ្រងមកុដជាកីឡាករដ៏ទាក់ទាញបំផុតរបស់ Premier League សម្រាប់រដូវកាល ២០២៤-២០២៥។ ការចុះហត្ថលេខាថ្មីរបស់ Arsenal គឺជាការរួមបញ្ចូលគ្នាដ៏ល្អឥតខ្ចោះទាំងទេពកោសល្យ និងរូបសម្បត្តិដ៏ស្រស់ស្អាតជាមួយនឹងសក់វែងការចាក់សាក់ ចោះក្រវិល និងការបញ្ចេញសំឡេងអ៊ីតាលីដ៏ស្រទន់។ ភាពទាក់ទាញរបស់គាត់ត្រូវបានអ្នកគាំទ្រ Serie A ទទួលស្គាល់ និងទទួលបានការកោតសរសើរយ៉ាងទូលំទូលាយ បន្ទាប់ពីបង្ហាញទម្រង់លេងដ៏លេចធ្លោរបស់គាត់នៅ EURO ២០២៤។

ខ្សែការពារដែលទទួលបានភាពល្បីល្បាញនៅក្នុងព្រឹត្តិការណ៍ Euro ២០២៤ បានចូលរួមជាមួយក្រុមកាំភ្លើងធំពី Bologna ក្នុងកិច្ចព្រមព្រៀងដែលមានតម្លៃ ជាង៥៣លានដុល្លារជាមួយនឹងប្រាក់រង្វាន់បន្ថែម។ Calafiori ដែលមានសមត្ថភាពអាចលេងបានទាំងខ្សែការពារកណ្តាល និងខ្សែការពារឆ្វេង បានចុះកុងត្រារយៈពេលប្រាំឆ្នាំ ដែលធ្វើឲ្យគាត់អាចបន្តស្នាក់នៅជាមួយ Arsenal រហូតដល់ឆ្នាំ២០២៩។ ការមកដល់របស់គាត់នឹងជួយពង្រឹងតំបន់ការពារបន្ថែមទៀតដែលកាលពីឆ្នាំមុនរបូតត្រឹមតែស៊ុត២៩គ្រាប់ និងរក្សាបាន Clean Sheetចំនួន១៨លើក។នេះបើយោងតាម Transfermarkt ។

ចំណែកឯកីឡាករដែលមានរូបរាងសង្ហារ៨នាក់ផ្សេងទៀតរួមមាន៖

១-កីឡាករ Dominik Szoboszlai (ក្លឹបLiverpool) គាត់មិនបង្ហាញសមត្ថភាពខ្សែបម្រើរបស់គាត់ ប៉ុន្តែគាត់កំពុងបង្ហាញភាពទាក់ទាញដែលរំលេចទៅដោយកែវភ្នែកដ៏មុតស្រួច មុខអក្សរVនិងស្នាមសាក់យ៉ាងល្អឥតខ្ចោះ។

២-កីឡាករ Ibrahima konate បានបង្ហាញភាពលេចធ្លោជាមួយនឹងកម្ពស់ជិត២ម៉ែត្រ(១,៩៤ម៉ែត្រ)និងទេពកោសល្យដ៏ជោគជ័យនៅលើទីលានវាលស្មៅរបស់គាត់។

៣- Ruben Dias (ក្លឹបManchester City) ទទួលបានអត្ថប្រយោជន៍ពីការបញ្ចេញសំឡេងភាសាបរទេសដ៏គួរឱ្យចាប់អារម្មណ៍។លើសពីនោះទៅទៀតគាត់មានរូបរាងសង្ហាគួរឱ្យកត់សម្គាល់ជាពិសេសម៉ូដសក់និងពុកចង្ការ។

៤- Alisson Becker (ក្លឹបLiverpool) អ្នកចាំទីប្រេស៊ីគឺបានបង្ហាញវត្តមានដ៏គួរអោយចាប់អារម្មណ៍ទាំងក្នុងនិងក្រៅទីលាន។ ជាមួយនឹងពុកចង្ការ និងពុកមាត់គាត់បញ្ចេញនូវមន្តស្នេហ៍ដ៏រឹងមាំ ដែលធ្វើឲ្យគាត់ក្លាយជាកីឡាករដែលទាក់ទាញបំផុតក្នុងវិស័យបាល់ទាត់។

៥- John Stones (ក្លឹបManchester City )មើលមួយភ្លែតហាក់ដូចជាសាមញ្ញបន្តិចសម្រាប់អ្នកខ្លះ ប៉ុន្តែភាពទាក់ទាញរបស់គាត់គឺមិនអាចប្រកែកបាន។ រូបរាងសង្ហារបស់គាត់បានរំលេចតាមរយៈការចាក់សាក់ដៃ និងភ្លៅ រួមផ្សំជាមួយនឹងជំនាញលេងបាល់ ធ្វើឱ្យគាត់មានភាពទាក់ទាញខ្លាំង។

៦- Virgil van Dijk (ក្លឹបLiverpool) ការផ្តល់ចំណាត់ថ្នាក់ភាពទាក់ទាញរបស់ Virgil van Dijk ត្រូវបានគេចាត់ទុកថាជារឿងអយុត្តិធម៌។ តើខ្សែការពាររូបនេះសង្ហារនិងទាក់ទាញយ៉ាងដូចម្តេច? តាមពិតទៅខ្សែការពារឆ្នើមរូបនេះត្រូវបានគេអោយតម្លៃទៅលើសក់ - ពិតប្រាកដណាស់សក់របស់គាត់។ ថ្វីត្បិតតែមានរូបរាងសង្ហា និងមានភាពប៉ិនប្រសប់មិនសូវបានគេមើលឃើញក៏ពិតមែន ប៉ុន្តែគាត់គឺជាមនុស្សម្នាក់ដែលយកចិត្តទុកដាក់យ៉ាងខ្លាំងចំពោះរូបរាងរបស់គាត់។