តើក្លឹបណាលក់កីឡាករបានចំណេញច្រើនជាងគេ?

យោងតាមគេហទំព័រ Givemesport.com ចេញផ្សាយកាលពីថ្ងៃព្រហស្បតិ៍ទី៨ ខែសីហា ឆ្នាំ២០២៤ បានឱ្យដឹងថាអ្នកមានបុណ្យ FC Barcelona គឺជាក្លឹបដែលលក់កីឡាករបានចំណេញច្រើនជាងគេបំផុតក្នុងចំណោមក្លឹបបាល់ទាត់ធំៗនៅក្នុងក្របខណ្ឌកំពូលអឺរ៉ុបទាំង៥។

ប្រភពខាងលើដដែលបានឱ្យដឹងទៀតថា ក្លឹបយក្យអេស្ប៉ាញទទួលបានប្រាក់ចំណេញរហូតទៅដល់ជាង១៤៥លានដុល្លារក្នុងការលក់ខ្សែប្រយុទ្ធ Neymar ទៅអោយក្លឹប PSG កាលពីឆ្នាំ២០១៧។ Barcelona បានទិញកីឡាករសញ្ជាតិប្រេស៊ីលពីក្លឹប Santos កាលពីឆ្នាំ២០១៣ ក្នុងតម្លៃត្រឹមតែជាង៩៥លានដុល្លារតែពេលលក់ទៅអោយក្លឹបជើងឯកបារាំងបានតម្លៃជាង២៤១លានដុល្លារ។

ចំណែកឯក្លឹប Liverpool ឈរលំដាប់លេខ២ដែលលក់កីឡាករចំណេញបានជាង១៣២លានដុល្លារដែរ។ហង្សក្រហមទិញកីឡាករ Philippe Coutinho ពីក្លឹប Inter Milan ក្នុងតម្លៃតែជាង១៤លានដុល្លារតែពេលលក់ទៅឲ្យក្លឹប Barcelonaវិញតម្លៃជាង១៤៧លានដុល្លារកាលពីឆ្នាំ២០១៨។ ក្លឹបចំណាត់ថ្នាក់លេខ៣ គឺ Dortmund លក់ Ousmane Dembele ទៅឱ្យ Barcelona ចំណេញបាន ជាង១០៩លានដុល្លារខណៈទិញចូលតែជាង ៣៨លានដុល្លារប៉ុណ្ណោះ៕