Real Madrid ស្ថិតលើកំណាត់ផ្លូវឆ្ពោះទៅបំបែកកំណត់ត្រ UEFA Super Cup  

បន្ទាប់ពីបញ្ចប់ដំណើរប្រកួតទេសចរណ៍មុនបើករដូវកាលនៅទឹកដី អាមេរិក ក្លឹប Real Madrid ម្ចាស់ជើងឯក UEFA Champion League ត្រូវប៉ះជាមួយក្លឹប Atalanta ម្ចាស់ជើងឯក UEFA Europa League ដណ្តើមយកពាន UEFA Super Cup  នៅរាត្រីថ្ងៃពុធទី ១៣សីហា ២០២៤។

ការប្រកួតបើកឆាកដំបូងរដូវកាលនេះបង្ហាញពីឱកាសដ៏សំខាន់សម្រាប់ក្លឹបស្តេច សដើម្បីដណ្តើមយកពានមួយបន្ថែមទៀត។ការឈ្នះលើកនេះមិនត្រឹមតែបង្ហាញពីការចាប់ផ្តើមដ៏រឹងមាំនៃរដូវកាលនេះប៉ុណ្ណោះទេ ប៉ុន្តែថែមទាំងអនុញ្ញាតឱ្យគ្រូបង្វឹក Carlo Ancelotti តាមស្មើនឹងកំណត់ត្រារបស់លោក Miguel Muñoz ដែលបានដឹកនាំឈ្នះពានរង្វាន់ចំនួន១៤ជាមួយក្លឹបនេះនៅចន្លោះឆ្នាំ ១៩៤៨-១៩៥៨។

ម្យ៉ាងវិញទៀត ប្រសិនបើក្រុមជើងឯកអេស្ប៉ាញឈ្នះពាន UEFA Super Cup នៅថ្ងៃពុធនេះ ពួកគេនឹងបង្កើតប្រវត្តិសាស្ត្រថ្មីក្នុងនាមជាក្រុមដែលទទួលជ័យជម្នះច្រើនជាងគេពោលគឺលើកទីប្រាំមួយនាំមុខក្លឹប Barcelonaនិង Milan ដែលធ្លាប់ឈ្នះពាននេះចំនួន៥ដងដូចគ្នា។ ក្លឹប Real Madrid លើកពាននេះដំបូងក្នុងឆ្នាំ ២០០២ ឈ្នះ Feyenoord ៣-១ បន្ទាប់មកឈ្នះSevilla ២-០ (២០១៤) ឈ្នះSevilla ៣-២ ម្តងទៀត (២០១៦)ឈ្នះ Manchester United ២-១ និងចុងក្រោយឈ្នះ Frankfurt២-០ ឆ្នាំ២០២២៕