Carlo Ancelotti ក្លាយជាគ្រូបង្វឹកល្អបំផុតនៅ Real Madrid
លោក Carlo Ancelotti បានសម្រេចបានជោគជ័យដ៏ធំធេងថ្មីមួយទៀតគឺដឹកនាំក្លឹបស្តេច-ស Real Madrid ឈ្នះពាន UEFA Super Cup កាលពីរាត្រីថ្ងៃព្រហស្បតិ៍។នេះគឺជាពាន UEFA Super Cupលើកទី ៦របស់លោកបំបែកកំណត់ត្រាក្លឹបBarcelona ដែលធ្លាប់ឈ្នះពាននេះចំនួន៥ដងផងដែរ។
ជាមួយគ្នានេះដែរលោក Ancelotti ក្លាយជាអ្នកចាត់ការទូទៅដែលជោគជ័យបំផុតនៅ Real Madrid ក្នុងប្រវត្តិសាស្ត្រ។ Carletto ត្រូវបានតាមស្មើជាមួយ គ្រូបង្វឹក Miguel Munoz ដែលដឹកនាំឈ្នះពានចំនួន១៤ដូចគ្នា។ ចំណែកឯលោកZinedine Zidane ក៏នៅមិនឆ្ងាយពីគ្រូបង្វឹកទាំងពីរខាងលើប៉ុន្មានដែរ បន្ទាប់ពីលោកបានដឹកនាំឈ្នះពានរង្វាន់ចំនួន១១ក្នុងអំឡុងពេលរបស់គាត់ជាគ្រូបង្វឹក Real Madrid ។ ខាងក្រោមនេះជាអ្នកចាត់ការជោគជ័យបំផុតទាំង ៥ របស់ Real Madrid៖
១-លោក Ancelottiឈ្នះពាន១៤
១-លោក Miguel Munoz ឈ្នះពាន១៤
៣-លោក Zidane ឈ្នះពាន១១
៤-លោក Luis Molowny ឈ្នះពាន១១
៥-លោក Vincente Del Bosque ឈ្នះពាន៧
