ហេតុអ្វីបានជាកីឡាករចាំទី Courtois មិនលេងឱ្យក្រុមជម្រើសជាតិ?

អ្នកចាំទី Thibaut Courtois របស់ក្លឹប Real Madrid បាននិយាយថា ខ្ញុំនឹងមិនត្រឡប់ទៅលេងឱ្យក្រុមជម្រើសជាតិបែលហ្សិកទេ ខណៈដែលវត្តមានរបស់លោក Domenico Tedesco នៅតែជាគ្រូបង្វឹករបស់បិសាចក្រហម។ Courtois បានខកខានការប្រកួតជាច្រើនកាលពីរដូវកាលមុនជាមួយនឹងរបួសជង្គង់ហើយមិនត្រូវបានគ្រូបង្វឹកជ្រើសរើសសម្រាប់ក្រុមជម្រើសជាតិបែលហ្ស៊ិកក្នុងការប្រកួត Euro ២០២៤ ទោះបីជាត្រលប់មកវិញជាមួយនឹងភាពរឹងមាំឡើងវិញ និងចាប់ផ្តើមប្រកួតវគ្គផ្តាច់ព្រ័ត្រ Champions League សម្រាប់ Madrid ក៏ដោយ។

កីឡាករវ័យ៣២ ឆ្នាំដែលបានបង្ហាញវត្តមានឲ្យក្រុមជម្រើសជាតិបាន ១០២ប្រកួត មានជម្លោះជាមួយលោក Tedesco កាលពីខែមិថុនា ឆ្នាំ ២០២៣បន្ទាប់ពីចាកចេញពីក្រុមបែលហ្ស៊ិកមុនការប្រកួតជម្រុះ Euro ២០២៤ ជាមួយអេស្តូនី។ អតីតអ្នកចាំទី Chelsea និង Atletico Madrid បាន សរសេរនៅលើ Instagram ថាជាអកុសល បន្ទាប់ពីមានការឆ្លុះបញ្ចាំងជាច្រើន ខ្ញុំបានសម្រេចចិត្តមិនត្រលប់ទៅក្រុមជម្រើសជាតិបែលហ្ស៊ិកវិញទេ។

 ក្នុងបញ្ហានេះ ខ្ញុំទទួលយកចំណែកនៃការទទួលខុសត្រូវរបស់ខ្ញុំ។ ទោះជាយ៉ាងណាក៏ដោយ ការទន្ទឹងរង់ចាំ ការខ្វះទំនុកចិត្តរបស់ខ្ញុំចំពោះគ្រូបង្វឹកនឹងមិនអាចធ្វើឲ្យមានភាពស្និទ្ធស្នាលឡើងវិញនោះទេ។ កីឡាករូបនេះបានបន្តទៀតថា ខ្ញុំសោកស្តាយដែលធ្វើឱ្យអ្នកគាំទ្រមួយចំនួនខកចិត្ត ប៉ុន្តែខ្ញុំជឿជាក់ថា នេះគឺជាសកម្មភាពដ៏ល្អបំផុតសម្រាប់បែលហ្ស៊ិក។ ក្រុមបិសាចក្រហមបានធ្លាក់ចេញពី Euro ២០២៤បន្ទាប់ពីចាញ់បារាំងក្នុងវគ្គ ១៦ ក្រុមចុងក្រោយ ដោយមានអ្នកចាំទី Koen Casteels របស់ Al-Qadsiah ចាប់ផ្តើមការប្រកួតទាំងបួនរបស់ពួកគេ៕