តើកីឡាកររូបណាទទួលបានកុងត្រាពេញមួយជីវិតពីក្លឹប?

Real Madrid មិនមែនជាក្លឹបបាល់ទាត់អេស្ប៉ាញតែមួយគត់ដែលបានផ្តល់កិច្ចសន្យាពេញមួយជីវិតដល់កីឡាករនោះទេ។ ជាការពិត គូប្រជែងដ៏ធំបំផុតរបស់គេគឺ Barcelona ក៏បានសម្រេចចិត្តធ្វើរឿងបែបនេះដែរគឺពោលគឺបានផ្តល់កិច្ចព្រមព្រៀងពេញមួយជីវិតដល់កីឡាករម្នាក់ដែរគឺ Andres Iniesta កាលពីឆ្នាំ២០១៧។ ខ្សែបម្រើរូបនេះបានដើរតួនាទីដ៏សំខាន់ក្នុងក្លឹបនៅអំឡុងចុងទសវត្សរ៍ឆ្នាំ២០០០ និងដើមទសវត្សរ៍ឆ្នាំ២០១០។គាត់បានលេងជាទៀងទាត់សម្រាប់ក្លឹប ហើយបានចំណាយពេល២១ឆ្នាំជាមួយ Barcelona ។

នៅពេលដែលក្លឹបបានផ្តល់ឱ្យគាត់នូវកិច្ចសន្យាដ៏អស្ចារ្យ អ្វីដែលគួរឲ្យចាប់អារម្មណ៍នោះគឺថា រយៈពេលត្រឹមតែមួយឆ្នាំបន្ទាប់ពីគាត់បានចុះកុងត្រាពេញមួយជីវិតជាមួយក្រុមកាតាឡាននោះ Iniesta បានសម្រេចចិត្តផ្លាស់ទៅប្រទេសជប៉ុន។ គាត់បានចូលរួមជាមួយក្លឹប Vissel Kobe ក្នុងឆ្នាំ២០១៨ ហើយបានចំណាយពេល៥ ឆ្នាំជាមួយក្លឹប។ បន្ទាប់មកគាត់បានចំណាយពេល១រដូវកាលទៀតជាមួយក្លឹបEmirates លីគបាល់ទាត់របស់ប្រទេសអេមីរ៉ាត់អារ៉ាប់រួម។

ចំណែកឯកីឡាករ២រូបរបស់ Real Madrid គឺកីឡាករចាំទី Iker Casillas និងខ្សែប្រយុទ្ធ Raul ។ Iker Casillasទទួលបានកុងត្រាពេញមួយជីវិតកាលពីឆ្នាំ២០០៨។រយៈពេល៧ឆ្នាំបន្ទាប់ពីទទួលបានកុងត្រាពេញមួយជីវិតគាត់បានសម្រេចចិត្តចាកចេញទៅលេងជាមួយក្លឹបបាល់ទាត់ព័រទុយហ្គាល់ Porto កាលពីឆ្នាំ​២០១៥ ដែលជាកន្លែងគាត់បញ្ចប់អាជីពបាល់ទាត់។ ខ្សែប្រយុទ្ធ Rue ទទួលបានកុងត្រាពេញមួយជីវិតកាលពីឆ្នាំ ២០០៨ ដែរ។ ២ឆ្នាំក្រោយមកគាត់ក៏ផ្លាស់ទៅលេងជាមួយក្លឹប Schalke ។ គាត់បានចំណាយពេល១៨ឆ្នាំ ជាមួយ Real Madrid៕