ហេតុអ្វីបានជា Man Utd  មិនប៉ះ Man City ឬ Liverpool ក្នុងពាន Carabao Cup?

ការចាប់ឆ្នោតប្រកួតពានរង្វាន់ Carabao Cup ជុំទី៣នឹងធ្វើឡើងភ្លាមៗ បន្ទាប់ពីបញ្ចប់ការប្រកួតជុំទី​២របស់ក្រុមមួយចំនួននៅរាត្រីថ្ងៃពុធនេះប៉ុន្តែ នឹងមានការផ្លាស់ប្តូររូបមន្តខ្លះៗ ។

ក្លឹបទាំងប្រាំពីរនៅអឺរ៉ុបក្នុងរដូវកាលនេះ នឹងចូលរួមការប្រកួតពានរង្វាន់Carabao Cup ចាប់ពីជុំទី៣។ ការចាប់ឆ្នោតជុំទី៣នេះមាន៣២ក្រុម។ ក្រុមនៅក្នុងក្របខ័ណ្ឌ Champions League (Manchester City, Arsenal, Liverpool, Aston Villa) មិនអាចចាប់ឆ្នោតជាមួយក្រុមនៅក្នុងក្របខ័ណ្ឌ Europa League (Manchester United, Tottenham ) ទេ។ នេះមានន័យថា Manchester City មិនអាចជួបជាមួយ Manchester United ឬ Tottenham បានទេ។

ហេតុអ្វីបានជាពួកគេមិនអាចជួបគ្នា? នេះក៏ដោយសារតែការផ្លាស់ប្តូរនៅក្នុងក្របខ័ណ្ឌ Champions League និង Europa League ដែលមានការពង្រើកក្រុមរហូតទៅ៣៦ (ចាស់៣២ក្រុម)ដែលត្រូវការពេលវេលាប្រកួត៨សប្តាហ៍ជំនួសអោយរូបមន្តចាស់៦សប្តាហ៍។ ការប្រកួតឆេមពានលីគរបស់ Manchester City Arsenal ,Liverpool និងAston Villa នឹងចាប់ផ្តើមនៅថ្ងៃទី១៧និង១៨ខែកញ្ញា ខណៈ Manchester United និងTottenham ត្រូវប្រកួតយូរ៉ូប៉ាលីគលើកដំបូងនៅសប្តាហ៍បន្ទាប់ ។

កាលបរិច្ឆេទនេះដូចគ្នាទៅនឹងក្រុមមួយចំនួនដែលលេងក្នុង Carabao Cup ។ ក្លឹប Liverpool នឹងត្រូវដាក់ក្នុងធុងមួយជាមួយក្រុម Manchester City, Arsenal, Aston Villa, Manchester United និង Tottenham ហើយនឹងត្រូវប្រកួតជាមួយនឹងក្រុមដែលនៅសល់ចំនួន ២៦នៅក្នុងធុងដាច់ដោយឡែកមួយផ្សេងទៀត៕