Ronaldo មានបំណងបំបែកកំណត់ត្រាវីរបុរសបាល់ទាត់ប្រេស៊ីល
បន្ទាប់ពីស៊ុតបាល់ហ្វ្រីឃីកបានមួយគ្រាប់ដ៏អស្ចារ្យ សម្រាប់ក្លឹបយក្សអារ៉ាប៊ីសាអូឌីត Al Nassr និងជាគ្រាប់បាល់ទី ៨៩៩ កាលពីថ្ងៃអង្គារ កីឡាករ Cristiano Ronaldo មានបំណងបំបែកកំណត់ត្រាវីរបុរសប្រេស៊ីលលោកតា Pele។ លោកតា Pele បានស្លាប់កាលពីថ្ងៃទី ២៩ ខែធ្នូ ឆ្នាំ ២០២២ក្នុងវ័យ៨២ឆ្នាំ។
នៅក្នុងកិច្ចសម្ភាសន៍ជាមួយលោក Rio Ferdinand កីឡាករសញ្ជាតិព័រទុយហ្គាល់បាននិយាយថាដំបូង ខ្ញុំចង់សម្រេចបាន៩០០ គ្រាប់ បន្ទាប់មក១០០០គ្រាប់ប៉ុន្តែវាមានភាពខុសគ្នាមួយ។ខុសគ្នាដោយសារតែគ្រាប់បាល់ទាំងអស់របស់ខ្ញុំគឺមាននៅលើវីដេអូ ។ខ្ញុំមានភស្តុតាង! ខ្ញុំគោរពកីឡាកររៀមច្បងទាំងអស់ ។ ការអត្ថាធិប្បាយរបស់ Ronaldo បានធ្វើឱ្យមានការស្រពិចស្រពិលលើចំនួនគ្រាប់បាល់របស់វីរបុរសបាល់ទាត់Pele ដែលត្រូវបានគេហទំព័រខ្លះរាយការណ៍ថាស៊ុតបញ្ចូលទីបាន១២៧៩ គ្រាប់ក្នុងអាជីព ប៉ុន្តែគ្រាប់បាល់មួយចំនួនមិនមានថតនៅលើខ្សែអាត់វីដេអូខណៈដែលពួកគេប្រកួតមិត្តភាព ឬការប្រកួតក្រៅផ្លូវការរបស់ FIFAនោះទេ។ ជុំវិញនឹងភាពមិនច្បាស់លាស់នេះ FIFA ទទួលស្គាល់គ្រាប់បាល់សរុបរបស់វីរបុរសប្រេស៊ីលចំនួន ១២៨១ គ្រាប់ ខណៈដែលគេហទំព័រស្ថិតិ RSSSF បានកត់ត្រាចំនួន១២៨៤៕
ប្រភព៖ Tribuna
