Pep ចំណាយលុយជិត១លានដុល្លារចែកបុគ្គលិក
លោក Pep Guardiola បានចំណាយលុយជាង ៩២ ម៉ឺនដុល្លារពីហោប៉ៅផ្ទាល់ខ្លួនដើម្បីទិញអំណោយ និងផ្តល់ប្រាក់រង្វាន់ដល់បុគ្គលិកក្រុម Manchester City។ Pep Guardiola បានផ្តល់រង្វាន់ដល់បុគ្គលិកដូចជា អ្នកទទួលភ្ញៀវ មេចុងភៅ គ្រូពេទ្យ បុគ្គលិកសន្តិសុខ ជាដើម។អ្នកចាត់ការសញ្ជាតិអេស្ប៉ាញក៏បានថ្លែងអំណរគុណដល់សមាជិកបុគ្គលិកទាំង៧០នាក់ដែលបានជួយក្រុមរបស់គាត់ឈ្នះជើងឯក Premier League មួយផ្សេងទៀតកាលពីរដូវកាលមុន។
លោក Pep Guardiola ជឿជាក់ថាសកម្មភាពរបស់គាត់នឹងលើកទឹកចិត្តសមាជិកឱ្យខិតខំបន្ថែមទៀត ដែលនឹងជួយក្រុមឱ្យឈ្នះពានរង្វាន់បន្ថែមទៀតនៅលើទីលាន។ ពេលនេះ Manchester City បានឈ្នះជើងឯក Premier League បួនដងជាប់ៗគ្នា បូករួមនឹង Champions League ដែលបានឈ្នះកាលពីពីររដូវកាលមុន៕
