កីទ្បាកររបស់តោកំណាចអង់គ្លេសប្រាំមួយនាក់ជាប់ក្នុងបញ្ជីឈ្មោះ Ballon d'Or ឆ្នាំ ២០២៤
កីទ្បាករចំនួនប្រាំមួយនាក់ដែលបានជួយក្រុមជម្រើសជាតិអង់គ្លេសឈានដល់វគ្គផ្តាច់ព្រ័ត្រ Euro ២០២៤ មានឈ្មោះក្នុងបញ្ជីសម្រាប់ជ្រើសរើសកីឡាករចំនួន ៣០ នាក់ចុងក្រោយសម្រាប់ពានរង្វាន់ Ballon d'Or ឆ្នាំ ២០២៤ ។ អង់គ្លេសបានឡើងដល់វគ្គផ្ដាច់ព្រ័ត្រ Euro 2024 ប៉ុន្តែចាញ់អេស្ប៉ាញ ២-១ ក្នុងវគ្គផ្ដាច់ព្រ័ត្រក្នុងទីក្រុង Berlin កាលពីថ្ងៃទី១៤ ខែកក្កដា។ កីឡាករអង់គ្លេសទាំងប្រាំមួយរូបនោះរួមមាន ប្រធានក្រុម Harry Kane, ខ្សែបម្រើ Jude Bellingham, Phil Foden, Declan Rice ខ្សែប្រយុទ្ធ Bukayo Saka និង Cole Palmer ។
ជាមួយគ្នានេះដែរ ខ្សែបម្រើស្លាបរបស់អេស្ប៉ាញ និង Barcelona កីឡាករ Lamine Yamal ដែលទើបតែមានអាយុ១៧ ឆ្នាំកាលពីខែកក្កដា ក៏ស្ថិតក្នុងបញ្ជីនេះផងដែរ។ អ្វីដែលគួរឲ្យចាប់អារម្មណ៍និងភ្ញាក់ផ្អើលនោះ ម្ចាស់ពាន៨សម័យកាល Messi និង ៥សម័យកាល Ronado គ្មានក្នុងបញ្ជីនេះទេ។ នេះគឺជាលើកទី១ហើយដែលកីឡាករទាំងពីគ្មានឈ្មោះក្នុងបញ្ជីសម្រាំងចាប់តាំងពីឆ្នាំ ២០០៣។
ខាងក្រោមនេះគឺជាបញ្ជីឈ្មោះកីឡាករទាំង៣០រូបក្នុងបញ្ជីសម្រាំងពានរង្វាន់ Ballon d'Or ឆ្នាំ ២០២៤
១-កីឡាករចាំទី(ម្នាក់)៖ Emiliano Martinez
២-កីឡាករខ្សែការពារ(៦នាក់)៖ Ruben Dias, Mats Hummels, Dani Carvajal, William Saliba, Antonio Rudiger, Alejandro Grimaldo ។
៣-កីឡាករខ្សែបម្រើ(១៣នាក់)៖ Jude Bellingham, Federico Valverde, Phil Foden, Granit Xhaka, Toni Kroos, Dani Olmo, Florian Wirtz, Martin Odegaard, Rodriguez, Declan Rice, Vitinha, Cole Palmer, Hakan Calhanoglu ។
៤-កីឡាករខ្សែប្រយុទ្ធ(១០នាក់)៖ Erling Haaland, Nico Williams, Artem Dovbyk, Vinicius Junior, Harry Kane, Bukayo Saka, Lamine Yamal, Ademola Lookman, Lautaro Martinez និង Kylian Mbappe។
