ប្រតិកម្មចម្រុះចំពោះអាពាហ៍ពិពាហ៍របស់តារាវ័យក្មេង Real Madrid
ការប្រកាសរៀបការរបស់ Endrick Felipe នាពេលថ្មីៗនេះបានបង្កឱ្យមានប្រតិកម្មយ៉ាងច្របូកច្របល់នៅលើបណ្តាញសង្គម ដោយមានអ្នកគាំទ្រផ្តល់មតិចម្រុះគ្នា។ ប្រតិកម្មនេះបានកើតឡើងបន្ទាប់ពីតារាឆ្នើមរបស់ក្លិប Real Madrid រូបនេះបានចែករំលែកព័ត៌មានអាពាហ៍ពិពាហ៍របស់គាត់ជាមួយតារាម៉ូដែល Gabriely Miranda ដែលជាព្រឹត្តិការណ៍ដ៏សំខាន់ផ្ទាល់ខ្លួនសម្រាប់កីឡាករបាល់ទាត់វ័យ ១៨ឆ្នាំ។ Endrick និង Gabriely ដែលមានទំនាក់ទំនងគ្នាតាំងពីឆ្នាំ២០២៣បានសម្រេចចិត្តរៀបការជាផ្លូវការ។
ទោះជាយ៉ាងណាក៏ដោយ ខណៈពេលដែលមនុស្សជាច្រើនបានអបអរសាទរគូស្នេហ៍វ័យក្មេងនេះ អ្នកគាំទ្រមួយចំនួនបានភ្ញាក់ផ្អើលជាមួយនឹងការប្រញាប់ចូលរោងការក្នុងវ័យក្មេងខ្ចី និងបានចោទសួរការសម្រេចចិត្តរបស់ Endrick ក្នុងការរៀបការនៅដំណាក់កាលដំបូងនៃជីវិតរបស់គាត់។ កូនក្រមុំ Gabriely ដែលមានវ័យចំណាស់ជាង Endrick បីឆ្នាំ បានជំរុញឱ្យមានការជជែកដេញដោលគ្នាតាមអ៊ីនធឺណិត។ នេះបើយោងតាមគេហទំព័រ All Football។
អ្នកគាំទ្រមួយចំនួនបានបញ្ចេញមតិថា អីយ៉ា! ពិតជាអស្ចារ្យមែន។ ជូនពរអ្នកទាំងពីរជួបតែសេចក្តីសុខក្នុងជីវិត។ សូមអបអរសាទរចំពោះ Bobby Charlton ។ អ្នកគាំទ្រម្នាក់បាននិយាយថាការរៀបការនៅអាយុ ១៨ឆ្នាំគឺឆ្កួត... ស្ត្រីទាំងនេះដឹងពីអ្វីដែលពួកគេកំពុងធ្វើ ហើយខ្ញុំរំពឹងថានឹងមានរឿងមួយចំនួនក្នុងរយៈពេលពីរបីឆ្នាំទៀត។ អ្នកខ្លះបាននិយាយថារៀបការនៅអាយុ១៨ឆ្នាំគឺសាហាវពេកហើយ៕
