ខ្សែប្រយុទ្ធ Hary Kane បំបែកកំណត់ត្រាដ៏អស្ចារ្យ

ការលេងដ៏ល្អឥតខ្ចោះរបស់ប្រធានក្រុមអង់គ្លេសវ័យ ៣១ ឆ្នាំបានជួយឱ្យ Bayern យកឈ្នះក្លិបបាល់ទាត់ក្រូអាស៊ី Dinamo Zagreb ដោយលទ្ធផល៩-២ ។ជ័យជម្នះនេះបានធ្វើអោយខ្សែប្រយុទ្ធអភ័ព្វពានរូបនេះបំបែកកំណត់ត្រាធំៗចំនួន ៦ដូចខាងក្រោមនេះ។

១- Harry Kane គឺជាកីឡាករអង់គ្លេសដែលស៊ុតបញ្ចូលទីបានច្រើនជាងគេក្នុងប្រវត្តិសាស្ត្រ Champions League ឬ European Cup ជាមួយនឹងគ្រាប់បាល់បញ្ចូលទី៣៣គ្រាប់ក្នុង ៤៥ប្រកួតបំបែកកំណត់ត្រាចាស់របស់ Wayne Rooney ដែលស៊ុតបញ្ចូលទីបាន ៣០គ្រាប់ ។

២- កីឡាករអង់គ្លេសដំបូងគេដែលស៊ុតបញ្ចូលទីបាន៤គ្រាប់ក្នុងការប្រកួត Champions League។

៣- កីឡាករ​អង់គ្លេស​ដំបូង​គេ​ដែល​ស៊ុត​បញ្ចូល​ទី​បាន​បី​គ្រាប់ ឬ​ច្រើន​ជាង​នេះ​សម្រាប់​ក្រុម​ដែល​មិន​មែន​ជាក្លឹបបាល់ទាត់អង់គ្លេស​នៅក្នុងព្រឹត្តិការណ៍ Champions League។

៤- កីឡាករ​ដំបូង​ដែល​ស៊ុតបាល់​ពិន័យ​ប៉េណាល់ទី បាន៣គ្រាប់ក្នុង​ការ​ប្រកួត Champions League ឬ European Cup។

៥- ស៊ុតបញ្ចូលទី Hat-trick លើកទី២៤ នៃអាជីពរបស់គាត់ និងជាលើកទី៥ដែលគាត់បានស៊ុតបញ្ចូលទីបាន៤គ្រាប់ trebles (ឬ quadruples)

៦- ស៊ុតបញ្ចូលទីបានគ្រាប់ទី៩ ក្នុង៥ ប្រកួតនៅរដូវកាលនេះសម្រាប់ Bayern និង២ គ្រាប់សម្រាប់ក្រុមអង់គ្លេស៕