ការព្យាករណ៍ពានរង្វាន់ UCL ២០២៤-២៥ របស់ Supercomputer
ស្របពេលដែលយុទ្ធនាការប្រកួតពានរង្វាន់ Champions League ២០២៤-២៥ កំពុងចាប់ផ្តើមសប្តាហ៍ទី ១ នោះ Supercomputer បានចេញផ្សាយការព្យាករណ៍ពេញមួយរដូវកាល ចាប់ពីវគ្គចែកពូល វគ្គ១៦ក្រុម និងវគ្គផ្តាច់ព្រ័ត្រ។ យោងតាមលទ្ធផលព្យាករណ៍បានឱ្យដឹងថា ដោយគ្មានការសង្ស័យ Real Madrid និង Manchester City ដែលជាអ្នកឈ្នះពានពីរលើកចុងក្រោយ គឺជាក្រុមដែលពេញចិត្តក្នុងការឈ្នះពានក្នុងរដូវកាលនេះ។
ជាមួយគ្នានេះដែរនៅក្នុងតារាងទាំងមូល Supercomputer បានគាំទ្រ Real Madrid ឈរចំណាត់ថ្នាក់កំពូលតារាងដែលមាន ៣៦ ក្រុម។ Inter Milan, Bayern និង Barcelona ត្រូវបានគេព្យាករថានឹងបញ្ចប់ក្នុងចំណាត់ថ្នាក់លេខ២ ទី៣ និងទី៤ រៀងគ្នាខណៈ Manchester City ត្រូវបានគេរំពឹងថានឹងបញ្ចប់ក្នុងចំណាត់ថ្នាក់លេខ៥។ ក្រុមកាំភ្លើងធំត្រូវបានគេរំពឹងថានឹងបញ្ចប់ក្នុងចំណាត់ថ្នាក់ទី ១០ ក្លិប Aston Villa ទី ៧ខណៈដែល Liverpool ត្រូវបានគាំទ្រដើម្បីបញ្ចប់ក្នុងចំណាត់ថ្នាក់ទី១៨។
ម្ចាស់ជើងឯក Bundesliga ក្លឹប Leverkusen ស្ថិតក្នុងចំណាត់ថ្នាក់ទី ១៥។ PSG ត្រូវបានគេរំពឹងថានឹងបញ្ចប់ក្នុងចំណាត់ថ្នាក់លេខ ២៤។
