ផ្លូវការ! Martial បានចូលរួមជាមួយនឹង AEK Athens ហើយ

អតីតខ្សែប្រយុទ្ធ Manchester United កីទ្បាករ Anthony Martial បានផ្លាស់ទៅកាន់ប្រទេសក្រិក ដោយលេងឱ្យក្លិប AEK Athens ជាមួយនឹងកិច្ចសន្យារយៈពេល ៣ ឆ្នាំ។ Anthony Martial ដែលមានវ័យ ២៨ ឆ្នាំរូបនេះចំណាយពេលលេងនៅឯក្លិប Manchester United រយៈពេល ៩ ឆ្នាំ ហើយកិច្ចសន្យារបស់រូបគេបានអស់សុពលភាពជាមួយក្លិបនៅរដូវកាលនេះ។ 

កីឡាករសញ្ជាតិបារាំងរូបនេះ បានបង្ហាញខ្លួន ៣១៧ ប្រកួតឱ្យ Man Utd ដោយស៊ុតបញ្ចូលទីបាន ៩០ គ្រាប់ បន្ទាប់ពីផ្ទេរពី Monaco ក្នុងឆ្នាំ ២០១៥ ក្នុងតម្លៃ ៣៦ លានផោន ដែលជាតម្លៃបំបែកកំណត់ត្រាពិភពលោកសម្រាប់កីទ្បាករវ័យក្មេង។ គួរជម្រាបថា ក្លិប AEK Athens កំពុងឈរនៅកំពូលតារាងក្នុងលីគកំពូលក្រិក Greek Super League បន្ទាប់ពីឈ្នះ ៣ ក្នុង ៤ ប្រកួត។ កាលពីរដូវកាលមុន ពួកគេបានត្រឹមជើងឯករងប៉ុណ្ណោះ នៅកំពូលតារាងក្នុងលីគកំពូលក្រិក Greek Super League៕

ប្រភព៖ BBC