តើខ្សែការពាររូបណាដែល Ronaldo ចាត់ទុកជាឧបសគ្គបំផុត?
រយៈពេលពីរទសវត្សរ៍កន្លងមកនៅលើសមរភូមិវាលស្មៅ Cristiano Ronaldo បានលេងក្នុងក្លិបកម្រិតខ្ពស់បំផុតជាច្រើន និងបានប៉ះជាមួយខ្សែការពារដ៏ខ្លាំងៗបំផុតមួយចំនួន។ ខ្សែការពារដែលរូបគេគិតថាពិបាកប្រឈមមុខខ្លាំងបំផុតរួមមាន Carles Puyol, Ashley Cole, Giorgio Chiellini, Diego Godin និង John Terry ។
Ronaldo បានបន្តថាក្នុងចំណោមខ្សែការពារដែកថែបទាំងនោះមានខ្សែការពារម្នាក់ដែលជាគូប្រជែងដ៏ស្វិតស្វាញខ្លាំងបំផុត គឺអតីតខ្សែការពារឆ្វេង Ashley Cole របស់ Chelsea។ នៅក្នុងកិច្ចសម្ភាសន៍តាមរយៈ Sportbible Ronaldo បាននិយាយថា ប៉ុន្មានឆ្នាំមកនេះ ខ្ញុំមានការប្រយុទ្ធដ៏អស្ចារ្យមួយចំនួនជាមួយ Ashley Cole ។
រូបគេមិនផ្តល់ឱកាសឱ្យអ្នកមួយវិនាទីណាសម្រាប់ដកដង្ហើម ។ គាត់ជាកីឡាករដែលមានចិត្តក្លាហាន រហ័ស និងស្វិតស្វាញនិងមានល្បិចច្រើន។ អ្នកដឹងថាវាមិនជាការប្រកួតដ៏ងាយស្រួលនោះទេ។ Ronaldo រំឭកដល់ពេលប៉ះជាមួយ Cole អំឡុងពេលការប្រកួតរវាង Man United និង Arsenal ។ វានៅតែជាពេលវេលាដែលមិនអាចបំភ្លេចបានរបស់ Ronaldo នៅក្នុង Premier League ។ Ronaldo បានបន្តថា រូបគេមានអ្វីគ្រប់យ៉ាង។ គាត់អាចអូសបាល់ គាត់អាចរត់ពីក្រោយ, រូបគេអាចលោតនិងតែតបាល់, រូបគេអាចចូលទៅក្នុង, រូបគេអាចចេញទៅក្រៅ ដែលខ្ញុំតែងតែជួបសុបិន្តអាក្រក់ពេលប៉ះជាមួយគេ ៕
