កីឡាករវ័យជំទង់ ១០ រូបទទួលបានប្រាក់ខែខ្ពស់បំផុតនៅលើពិភពលោក

Oct 14, 2024 - 10:22

បើយោងតាមការប៉ាន់ស្មានតួលេខចុងក្រោយបំផុតរបស់ Capology បានបង្ហាញថាកីឡាករវ័យជំទង់ចំនួន១០នាក់រកបានចំណូលច្រើនជាងគេនៅក្នុងពិភពលោក ។

កីឡាករទាំងនោះរួមមាន៖

១- Warren Zaire-Emery ទទួលបានប្រាក់ឈ្នួលប្រចាំសប្តាហ៍ជាង១៧ម៉ឺនដុល្លារ។

Warren Zaire-Emery គឺជាកីឡាករវ័យជំទង់ដែលមានប្រាក់ខែខ្ពស់បំផុតរបស់ក្លឹប PSG ។ ខ្សែបម្រើវ័យ ១៨ឆ្នាំរូបនេះបានបង្ហាញការសន្យាថានឹងក្លាយជាកីឡាករសំខាន់សម្រាប់ក្លឹប។ បន្ទាប់ពីបានចុះហត្ថលេខាលើកិច្ចព្រមព្រៀងដ៏យូរមួយរហូតដល់ឆ្នាំ២០២៩ កាលពីឆ្នាំ២០២២ គាត់មើលទៅមានអនាគតដ៏ភ្លឺស្វាងនៅឯ Parc des Princes ។

២- Leny Yoro ទទួលបានប្រាក់ឈ្នួលប្រចាំសប្តាហ៍ជាង១៤ម៉ឺនដុល្លារ។

Leny Yoro គឺជាខ្សែការពារដែលមានការវាយតម្លៃខ្ពស់សម្រាប់ Manchester United ដែលធានាបាននូវការចុះហត្ថលេខាកុងត្រារយៈពេលវែងរហូតដល់ឆ្នាំ២០២៩។ ទោះបីជាបច្ចុប្បន្នគាត់អវត្តមានដោយសាររបួសក៏ដោយ ប៉ុន្តែសក្តានុពលរបស់គាត់នៅតែមានកម្រិតខ្ពស់។

៣- Arda Guler ទទួលបានប្រាក់ឈ្នួលប្រចាំសប្តាហ៍ជាង១១ម៉ឺនដុល្លារ។

Guler ព្យាយាមបង្កើតឥទ្ធិពលក្នុងរដូវកាលដំបូងរបស់គាត់ និងបានបង្ហាញពីទេពកោសល្យដ៏លេចធ្លោក្នុងអំឡុងពេលដំណើរការប្រកួត Euro ២០២៤ ដែលមិនអាចបំភ្លេចបានរបស់ប្រទេសតួកគី។ គាត់ហាក់ដូចជាត្រៀមខ្លួនជាស្រេចដើម្បីឈានជើងឡើងសម្រាប់ក្រុមរបស់លោក Los Blancos បន្ទាប់ពីបានចុះហត្ថលេខាលើកិច្ចព្រមព្រៀងរយៈពេល ៦ ឆ្នាំបន្ទាប់ផ្ទេរមកពីក្រុម Fenerbahce កាលពីឆ្នាំមុន។

៤- Mathys Tel ទទួលបានប្រាក់ឈ្នួលប្រចាំសប្តាហ៍ជាង១០ម៉ឺនដុល្លារ។

Mathys Tel គឺជាកីឡាករឆ្នើមរបស់ Bayern ដែលល្បីល្បាញដោយសារល្បឿននិងជំនាញស៊ុតបាល់បញ្ចូលទីរបស់គាត់។បច្ចុប្បន្នគាត់នៅពីក្រោយ Harry Kane ដែលមានកិច្ចសន្យារយៈពេលវែងរហូតដល់ឆ្នាំ ២០២៩ ។កាទទួលបានកុងត្រារយៈពេលវែងនេះវាបានឆ្លុះបញ្ចាំងពីជំនឿរបស់ Bayern ចំពោះទេពកោសល្យរបស់គាត់។

៥- Archie Gray ទទួលបានប្រាក់ឈ្នួលប្រចាំសប្តាហ៍១០ម៉ឺនដុល្លារ។

Archie Gray បានក្លាយជាក្មេងជំទង់ដែលរកចំណូលបានច្រើនជាងគេទី២នៅ Premier League បន្ទាប់ផ្លាស់មកពី Leeds ។ ការផ្ទេរប្រាក់៣២លានដុល្លារបង្កើតកំណត់ត្រាសម្រាប់កីឡាករម្នាក់ដែលគ្មានបទពិសោធន៍កម្រិតកំពូលពីមុនមក។

៦- Endrickទទួលបានប្រាក់ឈ្នួលប្រចាំសប្តាហ៍ជាង៩ម៉ឺនដុល្លារ។

Endrick ត្រូវបានគេចាត់ទុកថាជាកីឡាករដែលមានទេពកោសល្យក្នុងយុគសម័យថ្មីនេះនៅពេលដែលគាត់បានឆ្លងកាត់ក្រុមជម្រើសជាតិប្រទេសប្រេស៊ីលនៅអាយុ ១៤ឆ្នាំ។ Real Madrid បានចុះហត្ថលេខាកាលពីខែធ្នូ ឆ្នាំ២០២២នៅពេលដែលគាត់នៅមាន ១៦ឆ្នាំ។ ប្រាក់ខែជាង៩ម៉ឺនដុល្លាររបស់គាត់ឆ្លុះបញ្ចាំងពីសក្តានុពលរបស់គាត់ ជាមួយនឹងកិច្ចព្រមព្រៀងដ៏គួរឱ្យចាប់អារម្មណ៍។

៧- Pau Cubarsiទទួលបានប្រាក់ឈ្នួលប្រចាំសប្តាហ៍ជាង៨ម៉ឺនដុល្លារ។

Pau Cubarsi ជាតារារះថ្មីម្នាក់ទៀតមកពី Barcelona។ នៅអាយុត្រឹមតែ ១៧ឆ្នាំ គាត់បានបង្ហាញភាពចាស់ទុំលើសពីអាយុរបស់គាត់ ហើយបានក្លាយជាកីឡាករមួយរូបដែលបានចូលលេងជាប្រចាំក្រោមការដឹកនាំរបស់ Xavi ដែលធ្វើឱ្យគាត់ទទួលបានកិច្ចសន្យាដ៏កម្រមួយនៅចុងបញ្ចប់នៃរដូវកាលមុន។

៨-Vitor Roqueទទួលបានប្រាក់ឈ្នួលប្រចាំសប្តាហ៍ជាង៧ម៉ឺនដុល្លារ។

Vitor Roque ដែលបានចូលរួម Barcelona កាលពីខែមករា បច្ចុប្បន្នកំពុងខ្ចីជើងនៅ Real Betis។ កីឡាករសញ្ជាតិប្រេស៊ីលរូបនេះមិនទាន់បានបង្ហាញភាពលេចធ្លោនៅ Camp Nou នៅឡើយទេ ប៉ុន្តែគាត់មានសក្តានុពលក្នុងការរីកលូតលាស់ជាមួយនឹងពេលវេលាលេងកាន់តែច្រើន។

៩-Marc Guiuទទួលបានប្រាក់ឈ្នួលប្រចាំសប្តាហ៍ជាង៦ម៉ឺនដុល្លារ។

ការផ្លាស់ប្តូររបស់ Marc Guiu ពី Barcelona ទៅ Chelsea គឺជាការព្រមានមួយសម្រាប់ Lamine Yamal ដែលអាចស្វែងរកកិច្ចព្រមព្រៀងប្រសើរជាងនេះ ប្រសិនបើ Barcelona មិនអាចផ្តល់ជូនបាន។