FA ពិន័យក្លិប Nottingham ជិត១លានដុល្លារ

សមាគមកីឡាបាល់ទាត់អង់គ្លេស FA បាននិយាយកាលពីថ្ងៃសុក្រទី១២ ខែតុលា ឆ្នាំ២០២៤ ថាក្លិប Nottingham ត្រូវបានពិន័យជាប្រាក់ចំនួន ៩៧៩​៥០០ ដុល្លារ និងបានព្រមានពីទង្វើមិនត្រឹមត្រូវទាក់ទងនឹងការបង្ហោះនៅលើបណ្តាញសង្គមដែលរិះគន់អាជ្ញាកណ្តាល បន្ទាប់ពីប្រកួតចាញ់ក្រុម Everton ក្នុងក្របខ័ណ្ឌ Premier League កាលពីរដូវកាលមុន។

FA បាននិយាយនៅក្នុងសេចក្តីថ្លែងការណ៍មួយថា ក្លិបបានបដិសេធថាការអត្ថាធិប្បាយរបស់ខ្លួនដែលបានបង្ហោះនៅលើប្រព័ន្ធផ្សព្វផ្សាយសង្គមដែលបានបង្ហាញពីភាពលំអៀង និងចោទសួរពីភាពត្រឹមត្រូវរបស់មន្ត្រីការប្រកួត និងជំនួយការអាជ្ញាកណ្តាលវីដេអូ ។ គណៈកម្មការនិយតកម្មឯករាជ្យបានរកឃើញការចោទប្រកាន់ដែលត្រូវបានបញ្ជាក់បន្ទាប់ពីសវនាការនិងសម្រេចដាក់ទណ្ឌកម្មលើក្លិប។ ភ្លាមៗបន្ទាប់ពីការប្រកួត Nottingham បាននិយាយនៅលើ X ថា ការសម្រេចចិត្តដ៏អាក្រក់បំផុតចំនួនបី គឺការពិន័យបាល់ប៉េណាល់ទីចំនួនបីមិនត្រូវបានផ្តល់ឱ្យពួកយើងទេ។

Nottingham មានការខឹងសម្បារចំពោះការបដិសេធការទាមទារបាល់ពិន័យចំនួន៣ដងក្នុងការចាញ់ ២-0 ហើយប៉ុន្មាននាទីបន្ទាប់ពីការប្រកួត ពួកគេបានចេញសេចក្តីថ្លែងការណ៍នៅលើប្រព័ន្ធផ្សព្វផ្សាយសង្គម X ដោយចោទប្រកាន់ជំនួយការអាជ្ញាកណ្តាលវីដេអូ (VAR) Stuart លោក Attwell ថាជាអ្នកគាំទ្រក្លិប Luton ។ នៅពេលនោះក្លិប Nottinghamបានចូលរួមក្នុងការប្រជែងកាត់ចោលពីក្របខណ្ឌកំពូល Premire League ជាមួយ Luton ប៉ុន្តែពួកគេបានបញ្ចប់ក្នុងចំណាត់ថ្នាក់ទី១៧ ខណៈដែល Luton បានធ្លាក់ចុះ។ Nottingham បាននិយាយថាពួកគេនឹងប្តឹងឧទ្ធរណ៍ចំពោះការសម្រេចចិត្តរបស់ FA ៕