ក្លិបបាល់ទាត់អាមេរិកច្រណែន Inter Miami

ការសម្រេចចិត្តរបស់ FIFA បន្ថែមកៅអីក្លិប Inter Miami ទៅក្នុងការប្រកួតពានរង្វាន់ Club World Cup បានធ្វើឱ្យគូប្រជែងនៅក្នុងក្របខណ្ឌបាល់ទាត់អាមេរិក Major League Soccer ផ្សេងៗទៀត ខឹងសម្បារយ៉ាងខ្លាំង។ ប្រធាន FIFA បានប្រាប់ពីមូលហេតុដែលលោកសម្រេចចិត្តផ្តល់សិទ្ធិ​ឱ្យក្លិប Inter Miami ចូលរួមប្រកួតពានរង្វាន់ Club World Cup ដែលមាន៣២ក្រុម ថាក្លិបនេះបាន ឈ្នះពាន Supporters Shield (មានអ្នកគាំទ្រច្រើន) និងជាក្លិបដែលលេងបានល្អបំផុតក្នុងរដូវកាលកន្លងមក ខណៈម្ចាស់ជើងឯក MLS ពិតប្រាកដត្រូវបានសម្រេចតាមរយៈការប្រកួតជម្រុះ។ ការសម្រេចបែបនេះបានធ្វើឱ្យគូប្រជែងរបស់ពួកគេចោទប្រកាន់ FIFA ថាមិនមានលក្ខណៈវិនិច្ឆ័យច្បាស់លាស់។

Seattle គឺជាក្រុមផ្សេងទៀតមកពីសហរដ្ឋអាមេរិកដែលចូលរួម ហើយពួកគេបានកក់កន្លែងរបស់ពួកតាមរយៈការឈ្នះពានរង្វាន់ Concacaf Champions Cup ក្នុងឆ្នាំ២០២២។ Fifa បានពិភាក្សាជាមួយលីគបាល់ទាត់អាមេរិក MLS លើលក្ខណៈវិនិច្ឆ័យក្នុងរដូវកាលនេះ មុនពេលសម្រេចចិត្តលើអ្នកឈ្នះពានរង្វាន់ Supporters Shield នៅក្នុងកិច្ចប្រជុំក្រុមប្រឹក្សារបស់ពួកគេនៅថ្ងៃទី៣ ខែតុលា។

ក្លិបផ្សេងទៀតតែងតែមានអារម្មណ៍ថាក្លិប Inter Miami បានទទួលសិទ្ធិពិសេសពី FIFA ដោយសារតែមានកេរ្តិ៍ឈ្មោះតារាបាល់ទាត់ល្បីៗនៅទីនោះ ។ អតីត​ជើង​ខ្លាំង​របស់ Barcelona ចំនួន​បួន​នាក់​ស្ថិត​ក្នុង​ក្រុម​គឺ Messi, Luis Suarez, Jordi Alba និង Sergio Busquets។ក្រុមកំពូលៗនៅអឺរ៉ុបដូចជា Real Madrid, Atletico Madrid, Manchester City, Chelsea, PSG, Inter Milan, Juventus, Bayern Munich និង Borussia Dortmund សុទ្ធសឹងជាក្រុមនៅក្នុង Club World Cup ៕