Ronaldo ស៊ុតប៉េណាល់ទីធ្វើឱ្យខូចទូរស័ព្ទអ្នកគាំទ្រ

ការស៊ុតបាល់ប៉េណាល់មិនចូលគឺជារឿងមួយដែលធ្វើឱ្យ Ronaldo មិនអាចបំភ្លេចបាន តែអ្វីដែលធ្វើឱ្យរូបគេកាន់តែមិនអាចបំភ្លេចបានថែមទៀតនោះគឺការស៊ុតបាល់ប៉េណាល់ទីខុសបច្ចេកទេសដែលវាយប្រហារដោយចៃដន្យទៅលើទូរស័ព្ទដៃអ្នកគាំទ្រវ័យក្មេងម្នាក់នៅកន្លែងអង្គុយ។

យោងតាមវីដេអូមួយដែលត្រូវបានគេចែកចាយពេញបណ្តាញសង្គមបានបង្ហាញថា Ronaldo បានទាត់បាល់ផ្លោងរបាទីទៅប៉ះក្មេងប្រុសម្នាក់ដែលកំពុងឈរថត​ធ្វើឲ្យខ្ទាត​ទូរស័ព្ទចេញពីដៃរបស់រូបគេ។ តាមពិតទៅវាមិនមែនជាលើកទីមួយទេដែល Ronaldo ស៊ុតបាល់ប៉ះទូរស័ព្ទអ្នកគាំទ្រ។ Ronaldo ធ្លាប់​ធ្វើរឿងបែបនេះម្តងដែរ ក្នុងអំឡុងពេលក្រុម Manchester United ចាញ់ Everton ១-០ នៅក្រៅដីក្នុង ឆ្នាំ២០២២។ ហេតុការណ៍នេះបានកើតឡើងនៅក្នុងការប្រកួតវគ្គ ១៦ កាលពីថ្ងៃអង្គារជាមួយក្លិប Al-Taawoun។  Ronaldo មានឱកាសមាសដើម្បីតាមស្មើនៅនាទីចុងក្រោយ ប៉ុន្តែខកខានទៅវិញបន្ទាប់ពីស៊ុតបាល់ប៉េណាល់ទីអត់ចូលធ្វើអោយក្លឹប Al-Nassrចាញ់ដោយលទ្ធផល ១-០ របូតពីការប្រជែងយកពានរង្វាន់King Cup៕