Fifa ផ្ទុះជ..ម្លោះជាមួយក្រុមហ៊ុនឧបត្ថម្ភ
Fifa កំពុងមានជម្លោះជាមួយដៃគូឧបត្ថម្ភរយៈពេលវែងរបស់ខ្លួនគឺក្រុមហ៊ុន Adidas និង Coca-Cola ជុំវិញសិទ្ធិឧបត្ថម្ភសម្រាប់ការប្រកួត Club World Cup ឆ្នាំក្រោយនៅសហរដ្ឋអាមេរិក។ បណ្តឹងពីដាច់ដោយឡែកពីគ្នាត្រូវបានគេដាក់នៅមជ្ឈមណ្ឌលអាជ្ញាកណ្តាលស្វ៊ីសក្នុងទីក្រុង Zurich ហើយត្រូវបានគេរំពឹងថានឹងបើកសវនាកានៅប៉ុន្មានសប្តាហ៍ខាងមុខនេះ។
Fifa បានប្រកាសពីអ្នកឧបត្ថម្ភតែមួយគត់សម្រាប់ការប្រកួតដែលមានក្លឹបចំនួន៣២ ក្នុងទម្រង់ពង្រីកថ្មីដែលគាំទ្រយ៉ាងខ្លាំងដោយប្រធានរបស់ខ្លួនគឺ Gianni Infantino ។ ក្រុមហ៊ុន Adidas និង Coca-Cola បានចុះហត្ថលេខាលើកិច្ចព្រមព្រៀងដល់ឆ្នាំ២០៣០មានតម្លៃប្រហែល៧០លានដុល្លារសម្រាប់រយៈពេល៤ឆ្នាំ ។មជ្ឈមណ្ឌលមជ្ឈត្តកម្មស្វីសគឺជាយន្តការដោះស្រាយវិវាទដែលតែងតែពេញចិត្តដោយក្រុមហ៊ុន
អ្នកនាំពាក្យរបស់ FIFA បាននិយាយថា យើងកំពុងចុះកិច្ចសន្យា ឬការចរចាកម្រិតខ្ពស់ជាមួយដៃគូជាច្រើននៃការប្រកួតសម្រាប់ FIFA Club World Cup ថ្មី ហើយនឹងប្រកាសពីភាពជាដៃគូដ៏សំខាន់ដំបូងគេនៅក្នុងខែខាងមុខនេះ។ ការចាប់អារម្មណ៍ពីទីផ្សារគឺខ្លាំងណាស់ ហើយកិច្ចព្រមព្រៀងដែលកំពុងចរចាគឺមានទាំងម៉ាកយីហោថ្មី និងអ្នកឧបត្ថម្ភ FIFA ដែលមានស្រាប់។
ចំណែកឯអ្នកនាំពាក្យក្រុមហ៊ុន Coca-Cola បាននិយាយថា ក្នុងនាមជាដៃគូសាជីវកម្មដ៏យូរអង្វែងបំផុតរបស់ Fifa យើងផ្តល់តម្លៃដល់ទំនាក់ទំនងរបស់យើង ហើយនៅតែផ្តោតលើការបន្តភាពជាដៃគូដ៏ជោគជ័យរបស់យើងជាមួយគ្នា និងធ្វើឱ្យអ្នកគាំទ្រមានភាពទាក់ទាញនៅជុំវិញពិភពលោក។
