គ្រូបង្វឹកថ្មី Man​ Utd ទទួលបានប្រាក់ឈ្នួលខ្ពស់លំដាប់ទីបួន

គ្រូបង្វឹកថ្មីរបស់បិសាចក្រហម Manchester Utd លោក Ruben Amorim ទទួលបានប្រាក់ឈ្នួលប្រចាំឆ្នាំតិចជាងគ្រូបង្វឹកចាស់លោក Ten Hag ។ Man Utd បានបង់ប្រាក់ជាង លានដុល្លារក្នុងកិច្ចសន្យាជាមួយ Sporting Lisbon ដេីម្បីនាំលោក Ruben Amorim  មកកាន់ពហុកីឡដ្ឋាន Old Traford និងត្រូវបង់បន្ថែមជាង១លានដុល្លារទៀត ដើម្បីបញ្ឈប់រយៈពេល៣០ ថ្ងៃដែលគាត់នឹងត្រូវអត់ការងារធ្វើ។

លោក Ruben Amorim ទទួលបានប្រាក់ឈ្នួលជាង ៨,៤ លានដុល្លារតិចជាងលោក Ten Hag ដែលទទួលបាន ៨,៧ លានដុល្លារក្នុងមួយឆ្នាំ។ ប្រសិនបើធៀបទៅនឹងការមកដល់ភ្លាមរបស់គ្រូបង្វឹកសញ្ជាតិហុល្លង់គឺខុសគ្នាកាន់តែឆ្ងាយ។លោក Ten Hag ពេលមកដល់ភ្លាមទទួលបានប្រាក់ឈ្នួលជាង ១១លានដុល្លារ ប៉ុន្តែ Man Utd បរាជ័យក្នុងការទទួលបានពានរង្វាន់ Champions League កាលពីរដូវកាលមុនដែលជាហេតុធ្វើឱ្យលោកត្រូវបានកាត់ប្រាក់ឈ្នួល។

ទោះជាយ៉ាងណាក្តី លោក Ruben Amorim ក៏ស្ថិតនៅលំដាប់លេខរៀងទី៤ ក្នុងតារាងប្រាក់ខែគ្រូបង្វឹកទាំង២០ក្លឹបនៅក្នុងក្របខណ្ឌ Premier league ។ គ្រូបង្វឹកដែលទទួលបានប្រាក់ឈ្នួលខ្ពស់ជាងគេគឹ លោក Pep Guardiola គឺជាង២៥លានដុល្លារនាំមុខគ្រូបង្វឹកក្លឹបកាំភ្លីងធំ Arsenalលោក Mikel Arteta ទទួលបានជាង១២លានដុល្លារឈរលំដាប់លេខ២ និងលោក Unai Emery គ្រូបង្វឹកក្លិប Aston Villa ឈរចំណាត់ថ្នាក់ទី៣ ទទួលបានប្រាក់ឈ្នួលជាង១០លានដុល្លារ៕