ប្រធាន FIFA អបអរសាទរជ័យជម្នះលោកដូណាល់ត្រំា

នៅលើគណនី Instagram លោក Gianni Infantino ប្រធាន FIFA បានសរសេរសារអបអរសាទរ ដល់ជ័យជម្នះរបស់លោកដូណាល់ត្រំា ដែលបានក្លាយជាប្រធានាធិបតីទី ៤៧ របស់សហរដ្ឋអាមេរិកក្នុងអំឡុងពេលបោះឆ្នោតប្រធានាធិបតីកាលពីថ្ងៃអង្គារទី០៥ ខែវិច្ឆិកា ឆ្នាំ២០២៤ ដែលមានខ្លឹមសារថាយើងនឹងមានការប្រកួត FIFA World Cup និង FIFA Club World Cup ដ៏អស្ចារ្យនៅសហរដ្ឋអាមេរិក ។ បាល់ទាត់បង្រួបបង្រួមពិភពលោក។ 

លោកInfantino បានព្យាយាមបង្កើតទំនាក់ទំនងជិតស្និទ្ធជាមួយរដ្ឋបាលរបស់លោកដូណាល់ត្រាំតាំងពីអណ្តតិដំបូង ដោយធ្វើទស្សនកិច្ចយ៉ាងហោចណាស់ពីរដងទៅកាន់សេតវិមាន និងចូលរួមជាមួយប្រធានាធិបតីនៅពេលនោះនៅក្នុងព្រឹត្តិការណ៍អាហារពេលល្ងាចនៅទីក្រុង Davos ប្រទេសស្វីស ក្នុងអំឡុងវេទិកាសេដ្ឋកិច្ចពិភពលោកក្នុងខែមករា ឆ្នាំ២០២០។ សហរដ្ឋអាមេរិកនឹងធ្វើជាសហម្ចាស់ផ្ទះនៃការប្រកួតភាគច្រើននៅ World Cup ឆ្នាំ ២០២៦ ផ្នែកបាល់ទាត់បុរសនិងនិង FIFA Club World Cup ២០២៥៕