តើកីឡាករ UCL ២០២៤-២៥ រូបណាមានប្រាក់ឈ្នួលខ្ពស់ជាងគេ?
ក្នុងចំណោមកីឡាករល្បីៗដែលចូលរួមប្រកួតពានរង្វាន់UEFA Champions League ២០២៤-២៥ ខ្សែប្រយុទ្ធ Robert Lewandowski ក្លិបអ្នកមានបុណ្យ Barcelona គឺជាកីឡាករដែលទទួលបានប្រាក់ឈ្នួលច្រើនជាងគេបំផុតគឺជាង ៦៩ ម៉ឺនដុល្លារក្នុងមួយសប្តាហ៍។ កីឡាករសញ្ជាតិប៉ូឡូញវ័យ ៣៦ ឆ្នាំរូបនេះនៅតែចាប់ផ្តើមយុទ្ធនាការ La Liga បានយ៉ាងល្អជាមួយនឹងការស៊ុតបញ្ចូលទី ១៧ គ្រាប់ក្នុង១៥ ប្រកួតនៅគ្រប់ការប្រកួតទាំងអស់ទាំងនៅក្នុង La Liga និង Champions League ។
ជាមួយគ្នានេះដែរកីឡាករ Kylian Mbappe របស់ក្លិប Real Madrid ឈរលំដាប់ទី២ ជាមួយនឹងប្រាក់ឈ្នួលជាង ៦៥ ម៉ឺនដុល្លារនាំមុខខ្សែប្រយុទ្ធ Harry Kane របស់ Bayern Munich ចំណាត់ថ្នាក់ទី៣ ទទួលបានប្រាក់ឈ្នួលជាង ៥២ ម៉ឺនដុល្លារ។ ជាបន្តបន្ទាប់ Kevin De Bruyne របស់ Manchester City (លេខ៤) ទទួលបានថ្លៃឈ្នួលជាង ៥០ ម៉ឺនដុល្លារ និង Erling Haaland (លេខ៥) ទទួលបានជាង ៤៨ម៉ឺនដុល្លារ៕
