Ruud van Nistelrooy ត្រូវបានក្លិប Leicester City បានតែងតាំងជាគ្រូផ្លូវការ

ក្លិប Leicester City បានតែងតាំងអតីតគ្រូបង្វឹករបស់ក្លិប PSV Eindhoven គឺលោក Ruud van Nistelrooy ជាចាត់ការផ្លូវការ។ បុរសសញ្ជាតិហូឡង់វ័យ ៤៨ ឆ្នាំរូបនេះបានជំនួសតំណែងពីលោក Steve Cooper ដែលត្រូវបានក្លិបបញ្ចប់តួនាទី កាលពីចុងសប្តាហ៍មុន បន្ទាប់ពីលោកដឹកនាំក្រុមបានតែ ១២ ប្រកួតប៉ុណ្ណោះនៅឯ Premier League។ 

ជាមួយនឹងការចូលកាន់តំណែងនៅឯកីទ្បដ្ឋាន King Power លោក Ruud van Nistelrooy បានចុះហត្ថលេខាដឹកនាំក្រុមរហូតដល់ខែមិថុនា ឆ្នាំ២០២៧ ឯណោះ។ Ruud van Nistelrooy កាន់ការងារជំនួសលោក Erik ten Hag នៅឯកីទ្បដ្ឋាន Old Trafford បណ្នោះអាសន្នបានតែ ២ សប្តាហ៍ប៉ុណ្ណោះ បន្ទាប់ពីលោក Ruben Amorim បានមកដល់។ បច្ចុប្បន្ន Leicester City កំពុងតែស្ថិតនៅលេខរៀងទី ១៦ ដែលលើស ១ ពិន្ទុពីក្រុមកំពុងស្ថិតនៅតំបន់កាត់ចោល។ 

គួរជម្រាបថា សម្រាប់ការប្រកួតទល់នឹង Brentford នៅថ្ងៃសៅរ៍នេះ លោក Ben Dawson ដែលជាគ្រូជំនួសរបស់លោក Steve Cooper នឹងទទួលបន្ទុកក្នុងការប្រកួតនេះ មុនពេលលោក Ruud van Nistelrooy ចូលមដឹកនាំក្រុមនាថ្ងៃទី០៣ ខែធ្នូ ឆ្នាំ២០២៤ ដែលក្រុម Leicester City ត្រូវប៉ះគ្នាជាមួយនឹង West Ham នៅឯកីទ្បដ្ឋាន King Power...៕

ប្រភព៖ BBC