Cole Palmer ត្រូវបានបោះឆ្នោតជ្រើសរើសជាប់ជាកីឡាករឆ្នើមប្រចាំឆ្នាំ ២០២៤ ដោយសមាគមអ្នកគាំទ្របាល់ទាត់ហៅកាត់ថា FSA ។ ក្រុមប្រព័ន្ធផ្សព្វផ្សាយសង្គមរបស់ FSA បានសរសេរថា តារា Chelsea ទទួលបានការពេញចិត្តយ៉ាងខ្លាំងជាមួយនឹងការបោះឆ្នោតពីសាធារណជន ។
តារាឆ្នើមរបស់ Chelsea បានធ្វើឱ្យមានការចាប់អារម្មណ៍យ៉ាងខ្លាំងចាប់តាំងពីរូបគេបានផ្ទេរពី Manchester City ចូលរួមជាមួយក្រុមតោខៀវ ក្នុងឆ្នាំ២០២៣។ រូបគេស៊ុតបញ្ចូលទីបាន២៥គ្រាប់ និងជួយមិត្តរួមក្រុមបាន១៥ដងក្នុងការបង្ហាញខ្លួន៤៥ដងនៅគ្រប់ការប្រកួតទាំងអស់។ Cole Palmer បានផ្តួលកីឡាករផ្សេងទៀតនៅក្នុងបញ្ជីសម្រាំងគឺ Erling Haaland, Rodri, Bukayo Saka, Ollie Watkins និង Mohamed Salah ។ Palmer ត្រូវបានគេដកស្រង់សម្ដីដោយនិយាយថា អរគុណអ្នករាល់គ្នាដែលបានបោះឆ្នោតឱ្យខ្ញុំ។ វាជាកិត្តិយសណាស់ដែលបានក្លាយជាកីឡាករក្លឹប Chelsea ដំបូងឈ្នះពានរង្វាន់នេះ៕
