Erik Ten Hag ក្លាយជាបេក្ខភាពឈានមុខគេក្នុងចូលមកកាន់តំណែងជាគ្រូនៅ RB Leipzig
អតីតគ្រូបង្វឹករបស់ក្លិប Manchester United លោក Erik Ten Hag ត្រូវបានរាយការណ៍ថាលោកកំពុងតែស្ថិតនៅក្នុងបញ្ជីបេក្ខភាពដែលក្លិប RB Leipzig ចង់បានប្រសិនបើពួកគេចែកផ្លូវគ្នាជាមួយនឹងគ្រូបង្វឹកបច្ចុប្បន្នគឺលោក Marco Rose។
Leipzig បានចាញ់ការប្រកួត Champions League ទាំងប្រាំរបស់ពួកគេនៅរដូវកាលនេះ ហើយមិនមានការឈ្នះនៅក្នុង Bundesliga ចាប់តាំងពីថ្ងៃទី ២៦ ខែតុលា ឆ្នាំ២០២៤ ផងដែរ។ ៤ ប្រកួតចុងក្រោយនៅក្នុងលីគរបស់ពួកគេគឺមិនទាន់ស្គាល់ពាក្យថាឈ្នះម្តងទ្បើយ ពោលគឺចាញ់ ៣ ស្មើ ១ លើក និងរបូតគ្រាប់បាល់រហូតដល់ ៩ គ្រាប់ក្នុងការប្រកួតក្នុងលីគ ២ លើកចុងក្រោយ។ បញ្ហាខាងលើនេះ លោក Marco Rose ក៏អាចនឹងប្រឈរមុខក្លិបបញ្ចប់តួនាទីផងដែរ ដោយសារដឹកនាំក្រុមមិនបានទទួលលទ្ធផលល្អទ្បើយ។ យ៉ាងណា លោក Erik Ten Hag ត្រូវបានរាយការណ៍ថាគឺបេក្ខភាពឈានមុខគេក្នុងការចូលមកស្នងតំណែងបន្ទាប់។
គួរជម្រាបថា លោក Erik Ten Hag ត្រូវបានក្លិប Manchester United បញ្ចប់តួនាទីជាគ្រូបង្វឹកក្នុងខែតុលា ឆ្នាំ២០២៤ បន្ទាប់ពីលោកដឹកនាំក្រុមមិនបានលទ្ធផលល្អ៕
ប្រភព៖ football365
