Owen ថាពេលវេលារបស់ David de Gea នៅ Man Utd ល្មមមកដល់ទីបញ្ចប់ហើយ
អ្នកវិភាគលោក owen Hargreaves បានណែនាំទៅអ្នកចាត់ការលោក Erik ten Hag ថាគួរតែចាត់ចែងផ្លាស់ប្តូរដៃទីមួយថ្មីហើយ សម្រាប់តំណែងអ្នកចាំទី ពោល David de Gea គួរតែត្រូវបានជម្រុះចោល បន្ទាប់តែការបង្ហាញកំហុសនូវបរាជ័យក្រោមថ្វីជើង Sevilla នៅវគ្គ ៨ ក្រុម Europa League កាលពីយប់មិញ។
ជាការពិតក្លឹបនៅ Premier League បានធ្លាក់ក្រោមថ្វីជើងក្លឹបមកពី La Liga បន្ទាប់ការបង្កកំហុសរបស់ខ្សែការពារ Harry Maguire និងអ្នកចាំទី de Gea សម្រាប់គ្រាប់បាល់ទី ១ និងទី ៣។ សរុបលទ្ធផលទាំងពីរជើង យកឈ្នះ ៥-២។
អំពីការភ្លាត់ស្នៀតរបស់កីឡាករសញ្ជាតិអេស្ប៉ាញ ក៏ត្រូវបានអតីតខ្សែបម្រើ United ខាងលើ និយាយប្រាប់ BT Sport យ៉ាងដូច្នោះថា៖ “ដំបូងបង្អស់ខ្ញុំនៅតែនិយាយថា David de Gea គេបានបម្រើអាជីពដ៏អស្ចារ្យឲ្យក្លឹបបាល់ទាត់មួយនេះ តែពេលវេលាល្អៗរបស់គេកន្លងមក គឺផុតហើយ ដូចយប់នេះ គេបង្ហាញវាមកមិនបានល្អឡើយ ហើយមិនមែនតែមួយសារទេ គឺប៉ុន្មានសារហើយនៅរដូវកាលនេះ”។
កែសម្រួលអត្តបទ: vakhim
ប្រភព : EPSN
