វិនិយោគិនអារ៉ាប៊ីសាអ៊ូឌីតចូលរួមដេញថ្លៃទិញក្លឹប Man Utd!!
វិនិយោគិនមកពីប្រទេសអារ៉ាប៊ីសាអ៊ូឌីតបានបង្ហាញពីចំណាប់អារម្មណ៍ក្នុងការទិញក្លឹប Manchester United។ នេះបើតាមការចុះផ្សាយរបស់សារព័ត៌មានអង់គ្លេស The Telegraph។
ប្រភពខាងលើបានឱ្យដឹងថា តាមពិតទៅអ្នករកស៊ីមកពីប្រទេសអារ៉ាបមួយនេះចង់ទិញក្លឹបនេះយូរហើយ តែកាលពីមុនម្ចាស់ក្លឹប Man Utd លក់ភាគហ៊ុនតែ ២០%។
យ៉ាងណាមិញ នៅពេលនេះម្ចាស់ក្លឹប Man Utd គ្រួសារត្រកូល Glazer សម្រេចលក់ទាំងស្រុងហើយ។ ខាងអារ៉ាប៊ីសាអ៊ូឌីតវិញត្រៀមលុយឱ្យ ៦ប៊ីលានដុល្លារអាមេរិក ដើម្បីទិញក្លឹបនេះ។
កន្លងមកមានភាគីជាច្រើនបានចាប់អារម្មណ៍ទិញក្លឹបអង់គ្លេស។ ភាគីទាំងនោះរួមមានមហាសេដ្ឋីអង់គ្លេស អាជ្ញាធរវិនិយោគកីឡាប្រទេសកាតា ក៏រាប់ទាំងមហាសេដ្ឋីអាមេរិកលោក Elon Musk៕
