ក្លឹប Man Utd កាន់តែព្រួយចិត្ត ដ្បិតអីយប់នេះ ត្រូវអវត្តមាន Harry Maguire
យ៉ាងណាយើងបានដឹងជាមុនរួចស្រេច ជុំវិញប្រព័ន្ធកីឡាករនៅតំបន់ខាងក្រោមរបស់បិសាចក្រហម ក្រោមការដឹកនាំរបស់លោក Erik ten Hag សម្រាប់ប្រកួតយប់នេះ អាចជាពិបាកដ្បិតអី Harry Maguire ត្រូវអវត្តមាន បន្ថែមពីលើតែរបួសរបស់ Lisandro Martinez និង Raphael Varane។
សម្រាប់កីឡាករសញ្ជាតិអង់គ្លេស ការដែលត្រូវព្យួរឈ្មោះមួយប្រកួតទល់ Brighton ក៏ដោយសារគ្រប់ចំនួនកាតលឿងតាមការកំណត់របស់សមាគមបាល់ទាត់ FA ដែលកន្លងមកនៅវគ្គ ៨ ក្រុម ប៉ះ Fulham គេទទួលរងពិន័យកាតលឿង ជាកាតទីពីរក្នុងព្រឹត្តិការណ៍ ស្មើនឹងការពិន័យព្យួរឈ្មោះមួយប្រកួត។
ជាការពិតតាមច្បាប់របស់ FA ចំនួនកាតទាំងឡាយ នឹងត្រូវផ្តាច់ចោលត្រឹមវគ្គ ៤ ក្រុម បែបនេះមានន័យថា ការពិន័យកាតបន្ថែមនៅវគ្គពាក់កណ្តាលផ្តាច់ព្រ័ត្រនេះ នឹងមិនជះឥទ្ធិពលដល់វត្តមាននៅវគ្គផ្តាច់ព្រ័ត្រខាងមុខឡើយ។ ចំពោះអវត្តមាន Maguire ម្ល៉េះសល់ត្រឹម Victor Lindelof ហើយទំនងជាត្រូវហៅ Luke Shaw ឬ Casemiro នៃ Role ដទៃ មកពឹងលើតំបន់ការពារកណ្តាលជំនួសវិញ៕
ប្រភពៈGOAL
កែសំរួលអត្ថបទ :vakhim
