វ៉ូវីណាម ដាក់គោលដៅយកមេដាយមាស៩គ្រឿងនៅស៊ីហ្គេម២០២៣
សហព័ន្ធកីឡាវ៉ូវីណាម បានដាក់គោលដៅយកមេដាយមាសឱ្យបាន៩គ្រឿងពីការប្រកួតស៊ីហ្គេម២០២៣ខាងមុខដែលកម្ពុជាគឺជាម្ចាស់ផ្ទះ។
កីឡាវ៉ូវីណាម បានរៀបចំការប្រកួតជើងឯកអាស៊ីអាគ្នេយ៍កាលពីពេលថ្មីៗកន្លងទៅនេះ។ ក្នុងការប្រកួតនេះដែរ មានប្រទេសចូលរួមដូចជា វៀតណាម មីយ៉ាន់ម៉ា ថៃ ឥណ្ឌូនេស៊ី ហ្វីលីពីន និងឡាវ ជាដើម។ ក្នុងនោះកម្ពុជា ក្នុងនាមជាម្ចាស់ផ្ទះរកបានមេដាយមាសដល់ទៅ១០គ្រឿងឯណោះ ខណៈដែលម្ចាស់ក្បាច់គុនវៀតណាម រកបានត្រឹមតែ៩គ្រឿងប៉ុណ្ណោះ។
កត្ដារកបានមេដាយមាសដល់ទៅ១០គ្រឿងនេះដែរ ក៏ជាក្ដីបារម្ភសម្រាប់សហព័ន្ធវ៉ូវីណាមកម្ពុជាផងដែរ។ ត្បិតអីការប្រកួតជើងឯកអាស៊ីអាគ្នេយ៍នេះ គឺជាការប្រកួតត្រៀមស៊ីហ្គេម តាមបណ្ដាប្រទេសនីមួយៗសុទ្ធតែបានមើលសមត្ថភាពកីឡាកររៀងៗខ្លួន និងគូប្រកួតជាដើម។ ដូច្នេះចប់ទៅ ពួកគេអាចនឹងយកទៅសិក្សារកចំណុចខ្សោយដើម្បីមកប្រកួតម្ដងទៀតនៅស៊ីហ្គេមខាងមុខមិនខាន។
សម្រាប់ការប្រកួតស៊ីហ្គេម២០២៣ដែលកម្ពុជាធ្វើជាម្ចាស់ផ្ទះនេះដែរ សហព័ន្ធវ៉ូវីណាមកម្ពុជា បានដាក់គោលដៅយកមេដាយមាសចំនួន៩គ្រឿង។ មុនព្រឹត្តិការណ៍មកដល់ កីឡាករ កីឡាការិនីកម្ពុជា ក៏បានទៅបន្ដការហ្វឹកហាត់នៅប្រទេសវៀតណាមផងដែរ ដើម្បីពង្រឹងសមត្ថភាពបន្ថែមទៀត មុនការប្រកួតមែនទែនមកដល់៕
ប្រភព៖ Saby new ប្រែសម្រួល៖Hong
