អតីតប្រធានក្រុមជម្រើសជាតិស៊ីរី ត្រូវបានអាជ្ញាធរបាល់ទាត់ព្យួរជើងអស់មួយជីវិត!!
អតីតប្រធានក្រុមជម្រើសជាតិស៊ីរី ខ្សែការពារ Ahmed Al-Saleh ត្រូវបានអាជ្ញាធរបាល់ទាត់ប្រទេសព្យួរជើងហាមមិនឱ្យលេងបាល់ទាត់អស់មួយជីវិត។ នេះបើតាមការចុះផ្សាយរបស់សារព័ត៌មាន BBC។
សារព័ត៌មានខាងលើបានចុះផ្សាយថា កីឡាកររូបនេះបានទាត់ ជេរប្រមាថ និងស្ដោះទឹកមាត់ដាក់អាជ្ញាកណ្ដាលនៅក្នុងប្រកួតលីគកំពូលមួយរបស់ស៊ីរីកាលពីថ្ងៃសុក្រសប្ដាហ៍មុន។
កីឡាកររូបនេះត្រូវបានបណ្ដេញចេញភ្លាមៗកាលពីថ្ងៃប្រកួត។
បន្ថែមពីនេះទៅទៀត គណៈកម្មការវិន័យរបស់សហព័ន្ធបាល់ទាត់ស៊ីរីក៏បានធ្វើការផាកពិន័យកីឡាកររូបនេះ និងក្លឹប Al-Jaish ដែលជាក្លឹបដែលកីឡាកររូបនេះបានលេងផងដែរ។
ខាងបាល់ទាត់ស៊ីរីបានអះអាងថា កីឡាករ Al-Saleh បានបន្តជេរប្រមាថអាជ្ញាកណ្ដាលដល់បន្ទប់ផ្លាស់សំលៀកបំពាក់បន្ទាប់ពីការប្រកួតបានចប់៕
ប្រភព:BBC
