ទោះឈ្នះញឹកតែ Klopp ថា Liverpool មិនមានសង្ឃឹមខ្ពស់ដណ្ដើមកៅអី UCL រដូវកាលក្រោយ
អ្នកចាត់ការ Liverpool លោក Jurgen Klopp បាននិយាយថា បើទោះបីជាក្រុមរបស់លោក អាចទទួលបានជ័យជម្នះ៥ប្រកួតជាប់គ្នា ប៉ុន្ដែពួកគេនៅតែពិបាកក្នុងការប្រជែងយកកៅអី Top 4 នៅ Premier League ពេលចប់រដូវកាលនេះ។
ជ័យជម្នះក្នុងការប្រកួតកាលពីថ្ងៃពុធទល់នឹង Fulham និងបរាជ័យរបស់ Manchester United ក្រោមថ្វីជើងរបស់ Brighton ផងនោះ មានន័យថាគម្លាតពីតំបន់ Top 4 មានតែ៤ពិន្ទុប៉ុណ្ណោះពី Liverpool។
ទោះយ៉ាងណាក្ដី ក្រុមបិសាចក្រហម នៅសល់១ប្រកួតក្នុងដៃ ខណៈដែលក្រុមរបស់លោក Klopp ក៏ចាញ់ប្រៀប Brighton ដែលមានពីរប្រកួតក្នុងដៃផងដែរ។
អ្នកចាត់ការជនជាតិអាល្លឺម៉ង់រូបនេះ បាននិយាយថា៖ “ក្រុមដទៃ មានតំណែងប្រសើរជាង(Liverpool)។ ដរាបណាពួកគេឈ្នះការប្រកួត យើងមិនមានឱកាសនោះទេ ហើយយើងត្រូវតែធ្វើឱ្យក្រុមជាច្រើននៅពីក្រោយពួកយើង ដែលមិនមែនពួកគេទាំងអស់អាចធ្វើបាននោះទេ”៕
កែសម្រួលអត្ថបទ៖vakhim
