Rodrygo៖ “វាមានន័យធំធេងណាស់ ដែលខ្ញុំអាចនាំមុខលើ Ronaldo”
ខ្សែប្រយុទ្ធជំនាន់ក្រោយ Rodrygo Goes គេបាននិយាយរៀបរាប់អំពីអារម្មណ៍ពិត បន្ទាប់ក្លាយជាកីឡាករប្រេស៊ីលមានគ្រាប់បាល់ច្រើនបំផុតលំដាប់ទីពីរ នៅ Champions League ឲ្យក្លឹបស្តេចស Real Madrid នេះបាននាំមុខពីលើតួលេខ Ronaldo Nazario បានសម្រេចហើយ។
សម្រាប់ R9 កាលឈរជើងនៅ Madrid គេរកបាន ១៣ គ្រាប់ ក្នុងក្របខ័ណ្ឌ UCL ស្របពេល Rodrygo អាចរកបានដល់គ្រាប់បាល់ទី ១៥ ឈរចំណាត់ថ្នាក់ទី ៩។ នេះគេនៅខ្វះ ១ គ្រាប់ដើម្បីតាមស្មើ និង ២ គ្រាប់ដើម្បីទាញទម្លាក់ Roberto Carlos ជាកីឡាករប្រេស៊ីលធ្វើបានខ្ពស់បំផុត។
កីឡាករជំនាញជើងញាក់ ជើងស៊ុតខាងលើ បានលើកឡើង៖ “វាជាក្តីស្រមៃការដែលបានឈោងមកដល់ចំណាត់ថ្នាក់ Top 9 នៅបញ្ជីអ្នកស៊ុតច្រើនបំផុតក្នុងប្រវត្តិសាស្រ្តក្លឹប នៅ Champions League ខ្ញុំសង្ឃឹមអាចរកបានច្រើនគ្រាប់ទៀត ជាការពិត វាមានអត្ថន័យធំធេងណាស់សម្រាប់ខ្ញុំ ការដែលអាចនាំមុខ idol ខ្លួនឯងគឺ Ronaldo”។
យុវជនខាងលើបន្តថា៖ “រដូវកាលនេះ វាពិតជាដំណើរការល្អសម្រាប់ខ្ញុំ ក៏ដោយសារមកពីកត្តានៃការខិតខំហ្វឹកហាត់ នេះខ្ញុំព្យាយាមពង្រឹងខ្លួនឯង ទាំងនៅក្លឹបទាំងនៅផ្ទះ ខ្ញុំចង់បានគ្រាប់បាល់ច្រើន និង Assist ច្រើនបន្ថែមទៀត”៕
កែសម្រួលអត្ថបទ៖vakhim
ប្រភព:FotMob
