Henry ថាតាំងពីចេះមើលបាល់ អត់ដែលឃើញកីឡាករណាឈ្លាសវៃដូច De Bruyne ទេ
អតីតជើងចាស់លោក Thierry Henry បានសរសើរមិនដាច់ពីមាត់ដល់ទេពកោសល្យ ភាពច្នៃប្រឌិតនៃការគិតរហ័សលើទីលានរបស់ Kevin de Bruyne បន្ទាប់តែបង្ហាញទម្រង់លេងយ៉ាងល្អឥតខ្ចោះ ទល់ក្លឹបអធិរាជស Real Madrid ក៏ជាចំណែកធំនៅលទ្ធផលស្មើ ១-១ ឲ្យ City។
បើទោះបី Henry ធ្លាប់ឆ្លងកាត់ការលេងក្នុងជំនាន់ Lionel Messi, Dennis Bergkamp, Zinedine Zidane, Xavi ឬ Andres Iniesta សុទ្ធសឹងជាកីឡាករឈ្លាសវៃក្នុងការប្រើប្រាស់ IQ លើទីលាន តែក៏នៅសរសើរ De Bruyne ថាឈ្លាសវៃដាច់គេក្នុងលោក។
Henry ប្រាប់ទៅប៉ុស្តិ៍ CBS Sports Golazo យ៉ាងដូច្នោះ៖ “គេធ្វើវាបានល្អណាស់ថ្ងៃនេះ ខ្ញុំអត់គិតថាគេបង្ហាញទម្រង់លេងល្អឥតខ្ចោះអ្វីទេ តែគ្រាប់បាល់គឺពិតសំខាន់ ដោយខ្ញុំធ្លាប់ហែលកាត់កីឡាករជាច្រើន លេងទល់អ្នកល្អៗជាច្រើន តែខ្ញុំនៅតែថា Kevin ជាមនុស្សខួរក្បាលល្អបំផុត ខ្ញុំមិនធ្លាប់បានឃើញ”។
លោកបន្ត៖ “ដោយសារការគិតរបស់គេនេះហើយ ដូចកន្លែងខ្លះ ខ្ញុំមើលក៏អត់ដឹងថាវានឹងទៅជាបែបណា តែគេអាចបង្កើតបញ្ហាទៅលើអ្នកបាន ត្រង់អ្នកមិនបានស្ថិតនៅកម្រិតដ៏ខ្ពស់ដូចជាគេ នេះគេប្រៀបដូចជាកីឡាករដែលលេចចេញពីភពមួយផ្សេងទៀតអ៊ីចឹង”៕
ប្រភព៖ SportBible
