Atletico Madrid ត្រៀមនាំយក Jordi Alba ពី Barcelona ទៅពង្រឹងតំបន់ការពារ

Jordi Alba អាចនឹងឈានដល់ការចែកផ្លូវគ្នាជាមួយ Barcelona នៅដំណាច់រដូវកាលនេះ ខណៈដែលក្លិប Atletico Madrid កំពុងបង្ហាញចំណាប់អារម្មណ៍ ចង់បានរូបគេ។

ក្លិបដែលមានមូលដ្ឋានក្នុងទីក្រុងម៉ាឌ្រីដ មានគម្រោងក្នុងការពង្រឹងនៅតំបន់ការពារ មុនពេលរដូវកាលក្រោយចាប់ផ្ដើម ជាពិសេសនៅតំបន់ការពារស្លាបខាងឆ្វេង ហើយពួកគេមានបំណងចង់បាន Alba ទៅជួយក្រុម នេះបើយោងតាមប្រភពពី Mundo Deportivo។

ក្លិបអ្នកមានបុណ្យ បានជំពាក់ប្រាក់ឈ្នួល កីឡាករអេស្ប៉ាញរូបនេះ៣៨លានអឺរ៉ូ ហើយខ្សែការពារវ័យ៣៤ឆ្នាំ នៅសល់កិច្ចសន្យាជាមួយក្លិបតែមួយឆ្នាំទៀតប៉ុណ្ណោះ ពោលគឺដល់ឆ្នាំ២០២៤ ស្របពេលដែលថ្នាក់ដឹកនាំរបស់ក្លិប ចង់ចរចាបន្ដកិច្ចសន្យាថ្មី ជាមួយនឹងការបន្ថយប្រាក់ឈ្នួល ឬលក់រូបគេចេញនៅរដូវក្ដៅនេះ ដើម្បីសម្រួលបញ្ហាហិរញ្ញវត្ថុ ដើម្បីនាំយក Lionel Messi ត្រលប់មកវិញ។

Barca អាចនឹងពិចារណា យក Alba ជាថ្នូរនៃការចរចា ខ្សែបម្រើស្លាប Yannick Carrasco ដែលជាសមាជិកដ៏សំខាន់ម្នាក់ ក្នុងក្រុមដឹកនាំដោយលោក Diego Simeone៕

ប្រភព៖ Goal