អ្នកគាំទ្រ Arsenal ថាមកពី Kim Kardashian កុំអីក្លឹបលើកពាន Premier League បាត់ហើយ
បន្ទាប់ការធ្លាក់ចុះនៅកំឡុងចុងរដូវកាល ក៏សម្រេចឲ្យ Arsenal បានត្រឹមតំណែងជើងឯករងប៉ុណ្ណោះ មិនមានឱកាសឈ្នះពានរង្វាន់ Premier League ដែលខកខានល្បាក់ ២ ទសវត្សនោះទេ។ នេះក្លឹបមេឃខៀវនាំមុខដាច់លើកាំភ្លើងធំ ដល់ ៧ ពិន្ទុ ទាំងការប្រកួតសេសសល់ ២ ជុំទៀត។
ដល់ងាកទៅមតិអ្នកគាំទ្រ ហាក់មិនអស់ចិត្ត ដ្បិតអីពីដើមរដូវកាលក្លឹបធ្វើបានល្អនោះល្អ ក៏សង្ឃឹមខ្ពស់ណាស់ទៅហើយនឹងឈ្នះពានលីគកំពូល។ តែក្រោយមកបន្ទាប់វត្តមានរបស់ Kim Kardashian ជាតារាចម្រៀងល្បីឈ្មោះមួយរូបលើឆាកអន្តរជាតិមកទស្សនា នាខែមិនា ក្នុងជំនួប Arsenal ទល់ Sporting CP ក៏ក្លឹបចាប់ធ្លាក់ទម្រង់លេងពីពេលនោះ។
ទាំងអស់ជាការលើកឡើងរបស់អ្នកគាំទ្រ ចោទទៅវត្តមានស្រ្តីវ័យ ៤២ ឆ្នាំ ថាដូចជានាំបណ្តាសារទាញឲ្យ Arsenal ធ្លាក់ទម្រង់លេងទៅវិញយ៉ាងដូច្នោះដែរ។ មតិពីអ្នកគាំទ្រមួយរូបលើ Twitter សរសេរ៖ “ខ្ញុំសុំបន្ទោសទៅលើ Kim Kardashian ទាំងស្រុងលើការធ្លាក់ចុះរបស់ក្លឹប”។
មតិផ្សេងទៀតថា៖ “Arsenal គួរតែនឹងបានលើកពាន Premier Leeague បាត់ទៅហើយ បើមិនមាន Kim Kardashian មកនោះ”។ មតិគួរឲ្យចាប់អារម្មណ៍ចុងក្រោយ៖ “ការធ្លាក់ចុះរបស់ Arsenal យើងបានសង្កេតឃើញចាប់តាំងនាងមកទស្សនាការប្រកួតនៅ Emirate ខ្ញុំនឹងមិនអត់ឱនឲ្យនាងឡើយ”៕
ប្រភព៖ SportBible
