ក្លឹប Bayern ក្រវែលឥតដកភ្នែក ចង់បានកូនពីងពាងអាហ្សង់ទីន Julian Alvarez
តាមសារព័ត៌មាន Bild ចុះផ្សាយថា ក្លឹបអាល្លឺម៉ង់ Bayern Munich ហាក់សម្លឹងមិនដាក់ភ្នែកទាល់តែសោះ ពោលគឺត្រៀមខ្លួនរួចរាល់នឹងចូលប្រជែងបណ្តាក្លឹបនានា ក្នុងការចង់បាន Julian Alvarez លើទីផ្សារដោះដូររដូវក្តៅខាងមុខ ដ្បិតកំពុងស្ថិតក្រោមការគ្រប់គ្រងកាន់ឆ្នាំរបស់ក្លឹបអាណាព្យាបាល Manchester City។
ប្រយុទ្ធវ័យក្មេង ដែលត្រូវបានគេដាក់រហស្សនាមជា “ពីងពាងតូចអាហ្សង់ទីន” សម្រាប់ក្លឹបអាល្លឺម៉ង់ហាក់ចង់បានគេ មកបំពេញកន្លែង Robert Lewandowski ព្រោះជឿជាក់លើគុណភាព ហើយណាមួយសម្លឹងឃើញឱកាស ដែលកីឡាករវ័យក្មេងមិនជាតម្រូវការធំរបស់ Pep Guardiola នៅមេឃខៀវផង ពោលគឺនៅចាញ់តែម Erling Haaland។
សម្រាប់ក្លឹបដឹកនាំដោយលោក Thomas Tuchel សព្វថ្ងៃ មានគោលដៅពីរផ្សេងទៀតដែរ ដូច Harry Kane ដូច Kolo Muani តែមិនជាចង់ចំណាយច្រើននោះទេ ពោលមិនថាការចរចានរណាក៏ដោយ មិនដាក់ចិត្តចាយលើស ១០០ លានអឺរ៉ូ។
យើងក្រឡេកទៅមើល Alvarez ដែលសេសសល់កុងត្រាដល់ចុងខែមិថុនា ឆ្នាំ ២០២៨ ពេលចុងក្រោយបន្ទាប់ការឈ្នះពាន World Cup និងសមិទ្ធផលសម្រេចជាបន្តបន្ទាប់ជាមួយក្លឹបអង់គ្លេស បានរុញឲ្យតម្លៃខ្លួនឡើងចន្លោះពី ៥០ ទៅ ៨០ លានអឺរ៉ូឯណោះ។ ស្ថិតិរដូវកាលនេះ កីឡាករវ័យ ២២ ឆ្នាំ បង្ហាញខ្លួន ៤៨ ប្រកួត ក៏រកបាន ១៧ គ្រាប់និង Assist ៥ លើក៕
ប្រភព៖ BeSoccer
