ញាក់សាច់! R.Madrid កំពុងចាប់អារម្មណ៍ចង់បាន កីឡាករឆ្នើមរបស់ Bayern រូបនេះ
យោងទៅតាមរបាយការណ៍បានឲ្យដឹងថា ក្លិប Real Madrid កំពុងដាក់គោលដៅចង់បាន ខ្សែប្រយុទ្ធឆ្នើម Kingsley Coman របស់ក្លិប Bayern Munich។
ជាការពិតណាស់ បន្ទាប់ពីបង្ហាញទម្រង់លេងពុំសូវបានល្អក្នុងរដូវកាលឆ្នាំ ២០២២/២៣ នេះ នៅក្នុងក្របខណ្ឌ La Liga ក្លិប R.Madrid កំពុងតែត្រៀមរៀបចំក្រុមសាជាថ្មី ដោយពួកគេកំពុងដាក់គោលដៅ ចង់នាំយកសមាសភាពកីឡាករថ្មីៗមួយចំនួន ហើយនៅក្នុងនោះក៏មាន កីឡាករ Coman របស់ Bayern ផងដែរ។
បើយោងទៅតាមសារកាសែត Altschaffl បានចុះផ្សាយឲ្យដឹងថា ក្លិប R.Madrid ត្រៀមនឹងរុះរើ រៀបចំតំបន់ប្រយុទ្ធឡើងវិញ សម្រាប់រដូវកាលថ្មីខាងមុខនេះ ដោយពួកគេកំពុងសម្លឹងឃើញ ខ្សែប្រយុទ្ធ Coman របស់ Bayern ដើម្បីយកមកបំពេញបន្ថែមចន្លោះខ្វះខាតរបស់ក្រុម៕
