Ten Hag និយាយបើកផ្លូវឲ្យ Maguire ដើរចេញពី Man Utd
អ្នកចាត់ការលោក Erik ten Hag ហាក់មិនមានចិត្តព្យាយាមចង់ឃាំងដំណើររបស់ Harry Maguire អ្វីនោះទេ ផ្ទុយទៅវិញបានបើកភ្លើងខៀវ ថាឲ្យតែអ្វីដែលកីឡាករគិតថាត្រូវ ល្អសម្រាប់គេ គឺអាចចាកចេញទៅបាន ព្រោះយល់អំពីស្ថានភាពបច្ចុប្បន្ន មិនជាសមប្រកបដល់កីឡាករអង់គ្លេស។
តំណែងលើទីលានសម្រាប់ Maguire ត្រូវបានជំនួស នេះពេលចុងក្រោយគេសឹងរាប់ជាស្រមោល ឈរនៅជម្រើសទី ៣ ឬទី ៤ ក៏ដោយសារមិនអាចជំនួសតួឯក Lisandro Martinez និង Raphael Varane ហើយក៏នៅពីក្រោយទាំង Victor Lindelof និង Luke Shaw ថែមទៀត
ប្រាប់ទៅ The Times គ្រូសញ្ជាតិហូឡង់បានលើកឡើង៖ “ជាការពិត Maguire មានការប្រកួតប្រជែងខ្ពស់ណាស់ជាមួយ Varane ដែលគេពិតជាអស្ចារ្យ ការបង្ហាញមកគឺបង្ហាញគ្រប់យ៉ាង គ្មាននរណារីករាយទេ ជាមួយស្ថានភាពបែបនេះ ខ្ញុំយល់ ថាគេបានហ្វឹកហាត់ និង ១០០ ភាគរយខិតខំអស់ពីខ្លួន”។
លោកបន្ត៖ “គេអាចគ្រប់គ្រងស្ថានការណ៍នេះបានល្អ គេពិតជាចំណែកសំខាន់មួយក្នុងក្រុម តែយ៉ាងណាខ្ញុំសុំនិយាយយ៉ាងខ្លី ខ្ញុំរីករាយបើគេបន្តនៅ ពេលយើងត្រូវការវត្តមានរបស់គេ តែបែបណាមិញគឺគេខ្លួនឯងជាអ្នកសម្រេចទៅចុះ”៕
ប្រភព៖ Metro
