Ferdinand ប្រាប់ Man Utd ដល់ពេលកើបលុយ ១០០ លាន ពីការលក់អ្នកទាំង ៤ នេះ
អតីតជើងចាស់លោក Rio Ferdinand ក៏ជាអ្នកវិភាគបាល់ទាត់មួយរូប នៅពេលចុងក្រោយបានផ្ញើសារណែនាំទៅថ្នាក់លើក្លឹប Manchester United ថាដល់ពេលគួរលក់ចេញ Scott McTominay, Harry Maguire, Anthony Martial និង Anthony Elanga នៅទីផ្សារដោះដូរខាងមុខហើយ។
ដើម្បីជាថ្នូរប្តូរយកទឹកប្រាក់ ១០០ លានផោនត្រលប់មកវិញ ទុកបង្វិលការផ្ទេរចូលកីឡាករដទៃ ជាគោលដៅពង្រឹងប្រព័ន្ធលេងរបស់ក្លឹបដឹកនាំដោយលោក Erik ten Hag ឲ្យកាន់តែប្រសើរជាងនេះ ជួនពេលកំពុងមានឈ្មោះចូលរួមពានរង្វាន់អឺរ៉ុប UEFA Champions League ផង។
អតីតខ្សែការពាររបស់បិសាចក្រហម និយាយប្រាប់នៅកម្មវិធី Five៖ “Scott McTominay គេអត់សូវបានលេងទេ ហើយគេផ្ទាល់ក៏មិនចង់បានបែបហ្នឹងដែរ បើខ្ញុំជាគេវិញ ខ្ញុំនឹងសួរក្លឹបដោយផ្ទាល់ ហើយជ្រើសផ្លូវដើរ នេះគេជាកីឡាករដ៏ល្អម្នាក់ គេអាចមានតម្លៃខ្លួនខ្ពស់”។
លោកបន្ត៖ “ខណៈ Harry Maguire គេដឹងខ្លួនគេផ្ទាល់ បើបន្តគេត្រូវជាជម្រើសទី ៣ ឬទី ៤ ហើយ Elanga គេមិនបានឱកាសឡើយ រីឯ Martial បង្ហាញថាគេមិនអាចសម្របខ្លួននៅទីនេះតទៅទៀត បើក្លឹបលក់ពួកគេទាំង ៤ ក៏ល្មមនឹងបានលុយ ១០០ លានផោនត្រលប់មកវិញ”៕
ប្រភព៖ Metr
