Benzema៖ “ខ្ញុំកំពុងនៅ Madrid ទេតើ អ្វីដែលបានលើកឡើងគឺអ៊ីនធឺណិតអ្នកនិយាយ
បន្ទាប់ផ្ទុះដំណឹងពាក់ព័ន្ធចចាមអារ៉ាមការចាកចេញដ៏គួរឲ្យភ្ញាក់ផ្អើល ក៏ស្រាប់តែកីឡាករបារាំង Karim Benzema សម្រេចចេញមកធ្វើការបកស្រាយ ដោយសង្កត់ធ្ងន់ជាមុនថា លោកនឹងមិនចាកចេញទៅណានោះទេ ហើយធ្វើបច្ចុប្បន្នភាពរឿងអស់នោះ ក៏មិនមែនជាការសម្រេចរបស់លោកដែរ ពោលជាការផ្សព្វផ្សាយលើប្រព័ន្ធអ៊ីនធឺណិតប៉ុណ្ណោះឯង។
ផ្តល់បទសម្ភាសន៍ជាមួយ Marca ក៏ត្រូវបាន Benzema លើកឡើង៖ “ខ្ញុំកាលនៅតូច ពេលមកដល់ Real Madrid ត្រឹមគិតថានឹងរីករាយនៅទីនេះ នឹងឈ្នះគ្រប់យ៉ាង ហើយឥឡូវមើលថយក្រោយគឺខ្ញុំបានសម្រេចវាបានហើយ”។
លោកបន្ត៖ “ខ្ញុំកំពុងនៅទីនេះ ខ្ញុំត្រឹមគិតអំពីការប្រកួតចុងក្រោយនៅថ្ងៃអាទិត្យ មុនបញ្ចប់រដូវកាល La Liga អំពីការឆ្លើយតបអនាគតខ្ញុំ តើអនាគតអីទៅ បើពេលនេះ ខ្ញុំនៅទីនេះទេតើ អ្វីដែលពួកគេនិយាយមិនមែនជាការពិត គឺជាអ្វីដែលអ៊ីនធឺណិតចុះផ្សាយប៉ុណ្ណោះ”។
គួរឲ្យដឹងថា Real Madrid នឹងត្រូវតតាំងក្លឹប Atheletic Bilbao នាជំនួបចុងក្រោយ ក្នុងក្របខ័ណ្ឌ La Liga តែការយកបាន ៣ ពិន្ទុឬអត់ វាលែងចាំបាច់ហើយ ព្រោះបានធានាចំណាត់ថ្នាក់ ធានាកៅអី UCL រួចរាល់ ជារួមលេងត្រឹមតែបង្គ្រប់កិច្ចប៉ុណ្ណោះឯង៕
ប្រភព៖ Marca
