Asensio នឹងផ្ទេរទៅ PSG នៅពេលផុតកិច្ចសន្យាជាមួយ Real Madrid

Marco Asensio ត្រូវបានរាយការណ៍ថា នឹងផ្លាស់ទៅចូលរួម Paris Saint–Germain នៅពេលដែលកិច្ចសន្យារបស់គេនៅ Real Madrid ឈានដល់ការផុតកំណត់នារដូវក្ដៅនេះ។

កីឡាករវ័យ២៧ឆ្នាំ ទទួលបានការចាប់អារម្មណ៍ពីក្លិបធំៗមួយចំនួននៅអឺរ៉ុប រួមមាន Arsenal និង Aston Villa ប៉ុន្ដែក្លិបយក្សបារាំង PSG ទំនងជាឈ្នះការប្រកួតប្រជែង ក្នុងការចុះហត្ថលេខាយករូបគេ។

មានការរាយការណ៍កាលពីថ្មីៗនេះថា ​Asensio អាចនឹងចាកចេញពីក្លិបអធិរាជស នៅដំណាច់រដូវកាលនេះ ក្រោយការចរចាមួយចំនួនរវាងភាគីទាំងពីរមិនអាចសម្រេចទៅបាន។

ហើយ The Athletic បានចុះផ្សាយថា ខ្សែប្រយុទ្ធស្លាបរូបនេះ នឹងចូលរួម PSG ជាមួយនឹងកិច្ចសន្យារយៈពេលវែង។ Asensio នឹងទទួលបានចំណូលប្រមាណ៨.៥លានផោន ពីប្រាក់ឈ្នួលក្នុងមួយឆ្នាំនៅ Parc des Princes ហើយការផ្ទេរនឹងចប់រួចរាល់នាចុងសប្ដាហ៍នេះ៕

ប្រភព៖ talkSPORT

កែសម្រួលអត្ថបទដោយ:vakhim