Neymar ផ្ញើសារលាគ្នាចុងក្រោយ បន្ទាប់ពី Messi ចាកចេញពី PSG
Lionel Messi បានឈានដល់វេលាចុងក្រោយ ក្នុងការរួមរស់ជាមួយ Paris Saint–Germain ក្រោយចាយពេលជាមួយគ្នាអស់រយៈពេល២រដូវកាល ការចាកចេញនេះ ធ្វើឡើង ក្រោយកិច្ចសន្យារបស់គេជាមួយក្លិប អស់សុពលភាព។
ចំពោះការចាកចេញរបស់ ខ្សែប្រយុទ្ធអាហ្សង់ទីនរូបនេះ មានការសោកស្ដាយពីសំណាក់មិត្តរួមក្រុមមួយចំនួន ដែលក្នុងចំណោមនោះក៏មានតារាឆ្នើម Neymar ផងដែរ ហើយកីឡាករប្រេស៊ីលរូបនេះ បានសរសេរសារដ៏រំជើបរំជួលមួយផ្ញើទៅ Messi។
Neymar បានសរសេរនៅលើ Twitter របស់ខ្លួនថា៖ “បងប្រុស… វាបានកើតឡើងមិនដូចអ្វីដែលវាគួរនឹងកើតឡើង ប៉ុន្ដែយើងបានព្យាយាមធ្វើគ្រប់យ៉ាង។ វាពិតជាកិត្តិយសណាស់ ដែលបានចាយពេលជាមួយគ្នាពីរឆ្នាំជាមួយអ្នក។ ជូនពរសំណាងល្អ ជាមួយនឹងជំពូកថ្មី ហើយសង្ឃឹមថាអ្នកនឹងរីករាយ។ ខ្ញុំស្រលាញ់អ្នក”៕
ប្រភព៖ AS
