ចាកចេញពី PL មិនទាន់បានប៉ុន្មានផង Joao Felix ត្រូវបានក្លឹប Aston Villa ស្នើហៅត្រលប់មកវិញ
បន្ទាប់ការផុតកុងត្រាជាមួយក្លឹបអង់គ្លេសតោខៀវ Chelsea ហើយមិនទទួលបានការទិញផ្តាច់ ពោលមិនស្ថិតក្នុងផែនការណ៍លោក Mauricio Pochettino ជាអ្នកចាត់ការថ្មី ក៏ Joao Felix ត្រូវត្រលប់មកផ្ទះចាស់ Atletico Madrid វិញ។
តែយ៉ាងណាក៏ស្រាប់មានដំណឹងកីឡាករព័រទុយហ្គាល់ អាចវិលទៅលីគកំពូល Premier League ម្តងទៀត បន្ទាប់ទទួលបានសំណើចាប់អារម្មណ៍ចង់នាំយកពីសំណាក់ក្លឹប Aston Villa ដែលបានកៅអីវគ្គ Play-off ពាន Europa Conference League ទៀតនោះ។
តាមសារព័ត៌មាន Daily Express ចុះផ្សាយ ក្លឹបម្ចាស់ដី Villa Park បានកំពុងចាប់អារម្មណ៍លើខ្សែប្រយុទ្ធរបស់ក្លឹបក្រហមស AT Madrid ហើយចង់ចរចានាំយក Felix មកចូលរួម តែមិនច្បាស់ជាកុងត្រាខ្ចីជើងដូចកាល Chelsea ធ្លាប់បានធ្វើ ឬចរចាទិញពេញថ្លៃនោះទេ។ បើតាមហាងឆេងតម្លៃខ្លួន កីឡាករវ័យ ២៣ ឆ្នាំ អាចថ្លៃដល់ ៥០ លានអឺរ៉ូ។
គួរឲ្យដឹងថា តាមពិតទៅ Felix ហាក់មានចិត្តចង់បន្តនៅ Chelsea ក៏អះអាងពិតជាចង់បន្ត ទាស់ត្រង់ Pochettino មិនចាប់ចិត្តលើគុណភាពរបស់គេ។ រដូវកាលចាស់ ២០ ប្រកួត រកបាន ៤ គ្រាប់ ឈរជើងបានជាង ១ ០០០ នាទីឲ្យក្លឹប។ ចាំមើលការសម្រេចចិត្តជាថ្មី តើគេនឹងវិលមកដីអង់គ្លេសម្តងទៀតឬបែបណា ជាមួយ Aston Villa?
ប្រភព៖ Daily Express
