តើក្លិបណាលើកពាន EPL ក្នុងករណីពិន្ទុ និងគ្រាប់បាល់ GD ស្មើគ្នា?

ការប្រកួតប្រជែងដណ្តើមពានរង្វាន់ Premier League រដូវកាលនេះ គឺជាការប្រកួតដ៏ល្អបំផុតមួយក្នុងប្រវត្តិសាស្ត្រ ហើយវាមានសក្តានុពលក្លាយជាការប្រកួតដ៏អស្ចារ្យបំផុតមិនធ្លាប់មាននៅក្នុងលីគកំពូលនេះ។ ការចែករំលែកម្នាក់មួយពិន្ទុរវាងក្លិប Liverpool និង Manchester City កាលពីថ្ងៃអាទិត្យ បានបើកផ្លូវឱ្យ  Arsenal មានពិន្ទុកាន់តែប្រកៀកក្រុមកំពូលតារាង Liverpool ខណៈក្លិបលេខ២ Man City តាមពីក្រោយតែ ១ ពិន្ទុប៉ុណ្ណោះ។

ទោះបីនៅសល់ ១០ ប្រកួតទៀតក៏ដោយ ភាពប្រដេញគ្នារបស់ពួកគេ បានលើកឡើងនូវសេណារីយ៉ូ ដែលមិនទំនងជាកើតឡើងមួយថាក្រុមទាំងបីអាចនឹងបញ្ចប់រដូវកាលជាមួយនឹងកំណត់ត្រាដូចគ្នា។

យ៉ាងណា ប្រសិនបើក្រុម Arsenal, Liverpool និង City មានភាពស្មើគ្នាទៅលើពិន្ទុ​ ស្មើគ្នាទៅលើគ្រាប់បាល់ស៊ុតបញ្ចូលទី (GF goal for ) និងគ្រាប់បាល់របូត (GA goal Against)​ របស់ក្រុមនីមួយៗដែលគេហៅថា​ GD (goal difference ) នោះមានន័យថាជើងឯកនឹងត្រូវបានសម្រេចដោយផ្អែកលើកំណត់ត្រាជួបគ្នារវាងក្រុមទាំងពីរ។

ប្រសិនបើក្នុងករណីនេះនឹងធ្វើឱ្យមានអាទិភាពខ្ពស់ សម្រាប់ក្រុម Arsenal ដែលបានផ្តួលគូប្រជែងរបស់ពួកគេទាំងពីររួចហើយនៅរដូវកាលនេះហើយនៅសល់ឱកាសមួយផ្សេងទៀតដើម្បីដោះស្រាយការប៉ះគ្នានៅពេលដែលពួកគេធ្វើដំណើរទៅកាន់ពហុកីឡដ្ឋាន Etihad នៅថ្ងៃទី៣១ ខែមីនា​ ឆ្នាំ២០២៤។ 

ទន្ទឹមនឹងនោះដែរ Liverpool មានការប្រកួតស្មើ២លើក ក្នុងផ្ទះទល់នឹងក្រុមផ្សេងទៀត ក៏ដូចជាការប្រកួតស្មើជាមួយក្រុមរបស់លោក Pep Guardiola នៅកីឡដ្ឋាន Etihad ផងដែរ ។ Liverpool និង City នឹង​ត្រូវ​ប្រកួត FA Cup នៅ​ចុង​សប្តាហ៍​នេះ ខណៈពួកគេ​ប៉ះ Manchester Unitedនិង Newcastle United សប្តាហ៍បន្ទាប់៕